banner 728x90

Kriminozu 64.000 detein iha prizaun boot El Salvador

Autoridade seguransa akompaña kuadrilla kriminál hafoin tun husi Bus ba sentru Prizaun Terorismu. Foto Reuters
banner 120x600
40 Views

G-NEWS (INTERNASIONÁL) – Liu membru kriminál na’in 64.000 ne’ebé suspeita nu’udar membru kriminál hetan kapturasaun hosi autoridade seguransa El Salvador ho intensaun atu prevene hosi premanismu.

Autoridade kompetente hateten, kuadrilla Kriminozu sira hanesan MS-13 no Barrio-18 responsábiliza hosi kazu oi-oin ho tipu assasinatu, Estorsaun, inklui atividade negósiu narkótika.

banner 325x300

Membru hosi kuadrilla (geng) rua ne’e atinji ema rihun resin. Objetivu hosi kapturasaun massal ne’e atu grupu kriminal sira “halakon totál”, deklarasaun hosi Governu El Salvador.

Esforsu sira ne’e hanesan esforsu importante atu luta kontra krime, ne’ebé públika ofisialmente hosi Prezidente El Salvador Nayib Bukele.

Kapturasaun ba ema rihun hirak ne’ebé suspeita ne’e, hala’o liuhosi desizaun polítika emerjénsia hodi propoin ba kazu asasinatu sira no krime sira seluk. Konstrusaun prizaun ne’e sei akumula prizioneiru sira liu rihun 40.

Prezidente Bukele, ninia deklarasaun iha nia Twitter hateten, prizioneiru na’in 2.000 sei transfere “iha operasaun ne’ebé sei hala’o iha madrugada” ba sentru Prizaun Terorismu nian, ne’ebé hanaran Prizaun boot liu iha kontinente Ámerika.

“ Ida ne’e hanesan uma foun ba sira, fatin ba sira atu hela durante periodu hirak nia laran, iha ne’ebé sei la fó ameasa ba populasaun sira”.

Prizaun ne’ebé boot loos ho infraestrutura walu, ho nia rezidénsia iha sidade Tecoluca, kilómetru 78 hosi sidade San Salvador.

Infraestrutura ida-idak ho nia sélula maijumenus metru 100 kuadradu ne’ebé sei akumula “liu prizioneiru 100”, haktuir hosi Governu El Salvador. Sélula ida-idak iha deit Wastafel rua no haris fatin rua.

Prezidente Bukele deklara katak “funu hasoru grupu kriminál” iha fulan Marsu tinan 2022, konsidénsia ho desizaun polítika emerjénsia ne’ebé hanaruk bebeik.

Determinasaun statute emerjénsia ne’e sai kontrovérsia tanba limite direitu sidadaun sira nian ne’ebé asegura iha Konstituisaun El Salvador hanesan, autoriza autoridade seguransa atu kaptura suspeitu sira la ho karta autorizasaun.

Grupu organizasaun direitu umanu balun konsidera ema sira ne’ebé la sala sai mós vítima ba desizaun polítika ne’e.

Sira mós haktuir katak, ema balun ne’ebé hetan kaptura ho aktus dezumanu, no hatún sira nia dignidade.  Maske nune’e, desizaun Prezidente Bukele mak luta kontra premanismu ne’ebé koñesidu iha povu El Salvador.

Fontes                       : BBC Indonézia

Editór Testu             : Amito Qonusere Araújo

relavante