banner 728x90

La rejolve folin mina, dependente de’it ba mikrolete sei lakon buat barak

Imajen: Suply
banner 120x600
2 Views

G-NEWS (DILI) – Relasiona ho transporte públiku hanesan mikrolete, ne’ebé kuarta-feira semana ne’e mogok ka provizoriamente la halai, hodi implika prosesu aprendijajen ba estudante sira ne’ebé nia hela fatin dook hosi kampus universidade.

Estudante ida, Joaninha Gomes, rezidente iha Becora, ne’ebé hala’o nia estudu iha IOB, sente triste ho situasaun ne’e, tanba implika nia viajen.

banner 325x300

“Ami sira hela iha Becora, no kolega sira seluk tán, haree ba situasaun ne’e triste tebes, tanba mikrolete la halai, depois ami sae mikrolete dala-rua mak foin to’o kampus”, Nia lamenta.

Ho situasaun ne’e, nia husu ba Governu atu aselera no rezolve lalais nune’e labele impede fali movimentu transporte públiku, tanba situasaun ne’e mós afeta ba estudante no traballador sira ne’ebé depende de’it ba mikrolete sira.

“Se situasaun bebeik la rejolve, ami sira estudante, no família sira ne’ebé ba servisu, depende de’it ho mikrolete, ami tenke hapara ami nia atividade. Pelumenus besik be di’ak, agora ami iha Becora, to’o mai iha Kampus IOB, ne’e ita mak komprende de’it, pois ami feto, hela tán ho família, buat hotu-hotu todan sá”, Joaninha hato’o lia ne’e ho matanbeen.

Iha parte seluk, traballador ba konstrusaun ne’ebé la autoriza atu públika ninia servisu fatin, Armindo Cristovão esplika, ho situasaun ne’e mak la iha solusaun to’o semana ida ka liu, nia parte bele lakon servisu.

“Kuandu ne’e mak to’o semana ida ka liu, ha’u bele lakon ha’u nia servisu. Tanba ne’e husu Avo Nana atu bele rejolve lalais. Ami buruh kasar ne’e, ema la haree ba folin mina sae ka lae, ema haree ó servisu ka lae, tanba ema selu ita, atu mai oinsa ne’e laos ema nia problema”, Nia hateten ba G-News, iha Fatuhada.

Hafoin ida ne’e, G-News tenta halo konfirmasaun ho sentru abastamentu sira, maibé sei hala’o enkontru ho Pitsa Internasionál no Sentru abastamentu ida mak sei fó informasaun, iha Kinta-feira semana ne’e.

Jornalista     : Ekipa G-News
Editór Testu : Amito Qonusere Araújo

relavante