banner 728x90

LABEH ezíze ba KAK halo investigasaun bá Konsellu Ministru, tambá sá?

Diretór ezekutivu LABEH, Dr. Christopher Henry Samson iha konferénsia Imprensa ne’ebé hala’o iha nia kna’ar fatin // Foto : Ekipa G-RTV.com (25/08/2021).
banner 120x600
16 Views

G-RTV.com (DILI) : Organizaun non-guvermental (NGO) Lalenok ba Ema Hotu (LABEH) ne’ebé servisu bá area monitorizasaun ba prevensaun Korrupsaun nian ezizé ba komisaun Anti-Korrupsaun (KAK) atu halo investigasaun klean konabá kazu Rô Tranship II ne’ebé guvernu aluga husi Indonézia.

Tuir LABEH nia monitorizasaun identifika katak prosesu bá aluga rô refere, KAK presija halo ivestigasaun klean tambá desijaun hodi aluga rô no situasaun konfinamentu obrigatóriu ne’ebé obriga populasaun iha de’it uma ho razaun pandemia covid-19, kontradíz.

banner 325x300

‘’Tuir monitorizaun LABEH nian hare katak KAK seidauk halo investigasaun klean, nune’e ami ezizé atu halo investigasaun klean, ho razaun katak iha tempu ne’ebá guvernu deside kontradíz ho situasaun konfinamentu obrigatóriu iha fulan maiu liu bá’’. Tenik fundadór no diretór ezekutivu LABEH, Dr. Christopher Henry Samson iha nia kna’ar fatin, Suku Komoro, Munisípiu Dili, Kuarta ne’e.

LABEH diskorda moos desijaun sira konabá aluga Rô Tranship II nune’e sira ezize bá KAK atu halo investigasaun totálmente hahu husi Konsellu Ministru (KM) ne’ebé lidera husi Xefe Guvernu Taur Matan Ruak hodi deside atu Ministériu Transporte no Komunikasaun (MTK) bele aluga Rô Transhiip II.

‘’LABEH bolu atensaun bá KM, KAK no MTK katak ami deskorda totalmente desijaun ne’ebé estadu fo sai, tambá ne’e ezize bá KAK atu investiga totalmente hahu husi KM to’o aprovasaun orsamentu bá aluga rô nian’. Deklara fundadór ne’e.

Diretór ne’e husu bá investigadór sira husi KAK, identifika se mak dudu prossesu ne’e, liu-liu benefisiáriu sira ne’ebé halimar iha kotuk no nia konsidera tribunál sei la halo buat ida tambá desijaun polítika intervem iha prossesu sira ne’e hotu.

Nia hatutan tan, labele investiga de’it parte hanesan diretór to’o nível médiu sira, maibé presija moos investiga makaer desijaun sira iha nível bo’ot.

Entertantu, rô tranship II, guvernu aluga hodi substitui Rô Berlin Nakroma hodi halo operasaun Dili-RAEOA no Dili-Atauro iha fulan maiu liu bá , to’o fulan juñu guvernu deside hapara operasaun.

Maibé iha loron 16 fulan ida ne’e, KAK ezekuta  mandadu buska iha domisíliu no prende sasan husi Tribunál Distritál Dili ba Autoriedade Portuario Timor Leste relasiona ho aluga rô, buska ne’e hala’o bazeia ba investigasaun dauluk husi KAK iha fulan juñu ne’ebé konsidera katak prossesu administrasaun fatal tebes.

 

Jornalista : Arménio.

Editór : Ekipa G-RTV.com.

 

relavante