banner 728x90

Lei bandu afiliasaun OAM ba Parpol

banner 120x600

G-NEWS (DILI) – Tenpu kampanha eleitóral hosi Partidu Polítiku sira besik dadauk ona. Maibé sosiedade balun sei preokupa tanba Partidu balun identíku ho Organizasaun Arte Marsiais (OAM).

Tuir lei no kompeténsia hosi Komisaun Reguladora Arte Marsiais (KRAM.IP) hatete, atu fo autorizasaun no ka la fo autorizasaun ba klube/ramu sira ne’ebé mak prátika ba arte marsiais. Kompeténsia ida seluk mak atu halo fiskalizasaun ba Atividade Artes marsiais.

banner 325x300

Ba G-News, Tersa-Feira (04042023) iha Cambodia, Prezidente KRAM. IP Fernando António da Costa esplika, envolvimentu membru organizasaun arte marsiais la regula iha estatutu KRAM nian.

“Kona ba membru sira mak involve iha Parpol ne’e la regula propriu iha estatuto KRAM nian. Maibe iha Estatuto OAM ida-idak koalia kona ba imparsialidade no Indepéndente sira OAM hosi parpol”, tenik Nia.

“Iha Lei no.5/2017 hatete klaru kona-ba bandu afiliasaun eskola/ramu hosi OAM nian ba parpol ruma. Lei ne’ebé regula rejistu organizasaun sosiedade sivil ne’ebé uza hodi regula rejistrasaun ba OAM mos ko’alia kona-ba Independénsia no Imparsialidade organizasaun sosiedade civil nian. Nune’e klaru katak bandu ba afiliasaun OAM ba parpol ne’e temi ona iha Lei sira mak relevante ba OAM”, Nia esplika tán.

KRAM so bele bolu atensaun ba OAM sira atu observa Lei sira mak bandu afiliasaun OAM ba parpol. KRAM sei halo komunikasaun ho CNE hodi haree saida mak bele halo hamutuk relasiona ho violasaun ruma hosi OAM, karik iha. labele bandu direitu politik membru ba OAM nian tan direitu politika ne’e mos garante iha Konstituisaun RDTL.

To’o agora KRAM halo ona komunikasaun ho OAM sira relasiona ho envolvementu membru OAM nian iha parpol atu halo separasaun klaru entre membru ida nia envolvementu iha OAM no parpol. Ami sei kontinua loke komunikasaun ho parte relevante hodi haree klean asuntu ne’e.

Antes ne’e, Observádor Akadémika UNDIL Hugo Lourenço da Costa, ba G-News, Segunda-Feira (03042023) katak, afiliasaun hosi sidadaun sira hosi partidu ida ba partidu seluk tanbs lakon konfiansa hosi partidu ne’ebé antes nia horik ba.

“Afiliasaun ne’e normal. Tanba sá ema afilia. Ema afilia katak ema la fiar ona, lakon konfiansa katak, partidu ida antes ne’e nia horik ba ne’e labele luta ba ninia aspirasaun tan ne’e mak ema muda”, Hugo esplika.

Jornalista     : Ekipa G-News
Editór Testu  : Amito Qonusere Araújo

banner 325x300

relavante