banner 728x90

Lei eleitóral kria diskriminasaun entre mídia Estatal no Privadu “Vota Livre”

banner 120x600
9 Views

G-NEWS (DILI) – Sekretáriadu Tékniku Administrasaun Eleitóral (STAE) hala’o diskriminasaun hasoru Jornalista hosi Mídia privadu sira, tanba autoriza deit Jornalista sira hosi Mídia Estatal RTTL.EP no TATOLI.IP mak bele vota livre iha fatin ne’ebé sira halo kobertura ba.

Kona-ba ne’e, Jornalista iha mídia privadu sira lamentável ho desizaun ne’e, no konsidera ne’e hanesan diskriminasaun hasoru Jornalista iha mídia privadu sira.

banner 325x300

Prezidente Konsellu Imprensa Timor Leste Otelio Ote, ba G-News, Kuarta-Feira (11042023) hateten, lei eleisaun Prezidensial tinan kotuk regula kona-ba Jornalista mos bele vota livre.

“Lei eleisaun Parlamentar tau ona vota livre, maibé Prezidenti Repúblika la promulga. Nune’e uza nafatin Lei eleisaun Parlamentár uluk ne’ebé só mídia Estatal sira mak vota livre”, Prezidente Konsellu Imprensa ne’e esplika.

KonselIu Imprensa esforsu atu komunika ho STAE no CNE kona-ba assuntu ne’e.

“Ita iha planu atu, liuhosi enkontru editórial mak konvida STAE atu esplika loloos kona-ba assuntu ne’e”, Otelio Oté aumenta tán.

“Primeiru molok eleisaun, KI sei halo advokásia atu bele autoriza Jornalista mídia privadu sira bele vota livre”, dehan Prezidente Konsellu Imprensa.

“KI preokupa tebes karik nafatin Lei la permite, tanba Jornalista sira bele lakon direitu vota, tanba tenki hala’o kna’ar iha fatin ne’ebé hetan servisu ba”, Otelio Oté esplika liutan.

Tuir Otelio Oté katak, Jornalista hosi mídia Estatal no mídia privadu ne’e hanesan diskriminasaun, tanba kna’ar Jornalista hanesan deit, la iha mídia Estatal mak Jornalista favoritu no midia privadu laos.

“Jornalista nia papel hanesan deit mak buka, halibur, hakerek, eduka hodi públika informasaun ba públiku liuhosi meius komunikasaun sosiál. Publikasaun sira ba eleisaun jerál parte ida importante husi mídia nia papel atu Informa, eduka no halo kontrolu sosiál”, Otelio Oté afirma liutan.

Tanba ne’e, Prezidente Konsellu Imprensa Otelio Oté husu mós husu ba Jestór mídia sira atu iha fleksibilidade ba jornalista sira ne’ebé ho kartaun eleitorál dook husi Dili, autoriza sira fila ba knua ka fatin ne’ebé sira bele vota”,Nia haktuir tán.

Alende ne’e husu mós ba STAE no CNE atu iha fleksibilidade ba jornalista sira, nune’e Jornalista bele Vota livre sem prejuizu.

Antes ne’e, Diretór STAE Acilino Manuel Branco hateten, desizaun ne’e akontese bazeia ba dekretu lei eleitóral nian nune’e STAE hala’o tuir deit saida mak hateten iha ne’ebá, anaunsér Xefe Estadu promulga alterasaun lei eleitóral ba Parlamentu Nasionál nian ne’e nune’e bele iha baze hodi lao tuir.

Jornalista        : Ekipa G-News
Editór Testu     : Amito Qonusere Araújo

relavante