banner 728x90

Lei fó dalan akreditasaun ba jornalista sira

banner 120x600
13 Views

G-NEWS (DILI) – Xefe Gabinete Prezidente Komisaun Nasioná Eleisaun (CNE_sigla Portugés) Evangelino de Jesus Fátima, iha aprezentasaun iha Sosializasaun Kobertura Eleitóral, iha Salaun City-8 Manleu, Dili, Kinta-Feira (13042023) esplika kona-ba akreditasaun ba Jornalista sira ka profisionais mídia tuir artigu 3, dekretu Governu númeru 10/2017, loron 27 fulan Fevereiru nian.

“Ita husu ba Diretór Mídia privadu sira, atu koordena ho Konsellu Imprensa Timor Leste, hodi hetan akreditasaun ba Jornalista sira”, Evangelino esplika.

banner 325x300

” Jornalista iha liberdade tomak atu halo kobertura, maibé tenke kumpre mós lei sira ne’ebé iha”, Nia aumenta tán.

Nia dehan, bainhira mídia sira la iha akreditasaun, no karta kredénsial ba Jornalista sira, sei la iha direitu atu asesu informasaun kona-ba prosesu eleitóral.

Tuir dekretu Governu númeru 10/2017, loron 27 fulan Fevereiru nian, hatur kona-ba prosedimentu tékniku sira ba realizasaun atividades kobertura jornalistíka iha prosesu eleisaun, ne’ebé esplika kona-ba akreditasaun ba Jornalista sira ka profesionais mídia tuir artigu 3, kredensial ba Jornalista sira tuir artigu 4, artigu 5 kona-ba Direitu sira ba Profesionais Komunikasaun sosial sira, direitu asesu tuir artigu 6.

Alende ne’e, artigu 7 hosi dekretu ne’e esplika kona-ba dever sira hosi profesionais komunikasaun sosial sira, no ikus liu kona-ba Termu komprimisu ne’ebé hatur iha artigu 9.

Jornalista     : Ekipa G-News
Editór Testu  : Amito Qonusere Araújo

relavante