banner 728x90

Lere Lakohi Hakiak Ema Korruptór, Aban Kampañ Ikus Iha Comoro

banner 120x600

Jornalísta : Júlio Sónia Paixão //

G-RTV News (Dili) : Kandidatu prezidente repúblika 2022-2027, Lere Anan Timur (LAT), kontinua halo mini-kampaña iha kampu futeból, Tabessi (Dili), 15/03/2022.

banner 325x300

Iha kampaña, kandidatu prezidente ne’e, hateten, lakohi atu hakiak ema naok ten sira no lakohi hakiak ema foti-án.

“Ema rihun ba rihun mate, kiak no faluk sira sei halerik, ita lakohi iha Timor Leste, lakohi atu hakiak ema na’ók ten (Korrupsaun) sira no lakohi hakiak ema foti-an iha Timor maibé tenki servisu atu lori ita nia nasaun ba oin”, dehan LAT iha mini-kampaña ne’ebé hala’o iha Taibessi.

Nia kontinua, kandidatu ne’e mós hatete liu tan, nia konfia-an no konfia nia povu  maubere  katak nia sei manan iha elisaun  prezidensiál ne’e.

“Ha’u konfia ha’u nia-án no ha’u konfia ha’u nia povu katak ha’u sei manan iha elisaun ne’e, balun dehan katak ha’u mai fahe osan ba grupu ida-idak  no partidu, ha’u la iha osan no ha’u kbi’it la’ék, ha’u nia riku mak ha’u nia povu no ha’u nia riku mak apoiante sira’’, Hatutan LAT.

Iha mini-kampaña ne’e, LAT mós esplika, nia ho partidu FRETILIN la iha diferensa no la haketak malu nu’udár isin lolon ida de’it.

Kandidatu independente ne’e, Sei hala’o nia kampaña nasionál ikus iha kampu futeból Comoro (Dili) iha loron 16/03/2022. (REMATA).

relavante