banner 728x90

LH: ha’u moe kuandu mestre sama ho botas

"Ha'u moe kuandu mestre ida ema sama ho botas no live Iha media sira"

banner 120x600
27 Views

G-NEWS (DILI) – Diretór Ezekutivu ONG Luta Hamutuk (LH) José Alves da Costa informa ba G-News, tersa-feira (13022024) katak, edukasaun Timor Leste iha hela problema laran tanba la iha vizaun klaru.

“Tuir Pontu devista Ha’u nian ba edukasaun Iha Timor Leste problematiku Hela, problematiku tanba Iha aspeitu polítika ba edukasaun la iha klareza, tanba la iha vizaun klaru ba oinsa atu lori edukasaun ne’ebé di’ak no sistematika ba tinan 20 nian mai atu sai oinsa. Kada tinan 5 Ministro ka ministra ida sa’e kaer pasta poder nian halo mudansa bazeia ba Nia hakarak”, Diretór Luta Hamutuk esplika kona-ba ne’e.

banner 325x300

Tuir Diretór Luta Hamutuk ne’e katak, ho kapturasaun hosi autoridade seguransa ba manorin-na’in sira ne’ebé ejije sira nia direitu, nia sente triste tanba atuasaun la dignu hasoru manorin sira. tuir nia, lei demostrasaun la fó dalan hodi halo demostrasaun ka asaun pasifika under 100 mestrus.

“Ha’u sente manorin sira kontra Hela Lei ne’e. Maibé la’os iha dalan hosi halo dialogu kona-ba ida ne’e, tanba presija hatene kauza Mestre Sira viola lei ne’e”, nia haktuir

“Ita hatene katak Manorin sira balun dedika sira nia an ho tenpu naruk hodi hanorin labarik Sira. Ita hotu hatene katak estudantes nian Inan aman primeiru maka familia liliu inan aman kous nian. Inan aman Segundo maka Manorin Sira. Tamba nee kapturasaun ho karakter hasoru kriminozu nee loloos labele akontese, tanba sira laos kriminozu maibé inan aman Segundu hosi alunu no alin sira, mais pior liutan ajente balun SAMA HO BOTAS ne’e desmoralizadu”, Nia kontinua.

José Alves da Costa esplika ba G-News katak, kapturasaun ne’ebé ajente seguransa halo ba mestre sira ne’ebé viral tebes liu-liu sama ho botas ne’e la edukadu, tanba tuir nia, mestre sira nia oan ka familia iha uma trauma, nune’e mós sira nia estudante sira ne’ebé durante ne’e sira hanorin iha sentimentu hanesan ho oan no feen ka laen hosi mestre sira ne’e.

Nia esplika tán, situasaun ida ne’e hatudu momoos katak sei estraga mentalidade estudantes eskola públiku sira, balun sei rai odiu no vingansa ba ajente seguransa sira, balun sei rai odiu no vingansa ba polítiku na’in sira ba iha futuru. Kestaun konfiansa jerasaun futuru ba ukun na’in sira sei mihis tanba konsidera ukun na’in sira uza liman besi hosi ukun, ne’e ameasa ida ba demokrasia iha Timor Leste.

“Primeiru Ministro labele nonok no sente katak saida mak Ministru Edukasaun halo ne’e di’ak tebes ba nia governasaun, tanba nee Primeiru Ministro lolos halo demisaun ba Ministra Edukasaun tanba laiha kapasidade hodi rezolve problema profesores Mil setesentus ital nia problema até polísia tenke tun halo kapturasaun no sama ba rai mestre Sira. Dignidade Governu lakon Iha ne’e. Primeiru Ministru tenke hasai komandante PNTL tanba la fó orientasaun di’ak oinsa atua mestre sira ho dignu”.

“Ha’u nia rekomendasaun ba profesores sira hodi fó apoiu ba maluk profesores ne’ebé dadaun ne’e ejije sira nia direitu, labele lakon solidaridade tanba de’it hetan ona lejitímu sai manorin iha eskola sira, no labele tur nonok hein de’it sosiedade sira seluk nia apoiu. Karik profesores sira laos tauk ten, mak di’ak liu boikota hotu sistema aprendizejen iha teritóriu tomak hodi solidariza maluk profesores sira ne’ebé dau-dauk hela iha sela atu nune’e imediatamente Primeiru Ministru foti solusaun adekuadu no dignu. Tanba ne’e kestaun valór no dignidade profesores sira. Karik ita husik deit Ema sama ho botas ba profesores ba oin sei sai ameasa ba demokrasia no dignidade profesore sira iha Timor laran tomak”, Diretór Ezekutivu Luta Hamutuk José Alves da Costa hakotu.

Editór Testu : Amito Qonusere Araújo

relavante