banner 728x90

LH husu kriminaliza ulun boot grupu nauk-ten

banner 120x600
43 Views

G-NEWS (DILI) – Diretór Ezekutivu Organizasaun Luta Hamutuk José Alves da Costa husu ba autoridade seguransa atu kriminaliza ulun boot ne’ebé kria grupu organizadu hodi halo asaun nauk, ne’ebé envolve direta hosi labarik sira, tanba asaun ne’ebé labarik sira halo kontra lei direitu labarik nian, iha konstitituisaun RDTL no konvensaun internasionál kona-ba lei protesaun direitu labarik.

José Alves da Costa, hato’o lia-hirak ne’e ba G-News, sesta-feira (24052024), iha nia kna’ar fatin.

banner 325x300

Tuir Hau Nia hanoin, labarik sira ne’ebé mak envolve iha grupu organizadu hodi halo asaun sira ne’ebé kategória ne’ebé krime, nee kontra Lei Direitu Labarik iha K-RDTL artigu 18, nomos konvensaun internasional Lei protesaun direitu Labarik nian.

Besik eleisaun Parlamentar 2023 krime hasoru ekonómia komesa buras

Ba Sira ne’ebé forma grupu ida ne’e hodi utiliza labarik sira atu halo atividade nauk nee tenke kriminaliza, presiza buka too abut sira hodi kaer lideransa grupu nee hodi responsabiliza ba buat Rua: kria grupu nauk nee krime Ida tanba kria ambiente inseguru ba sidadaun sira nia movimentu, no envolve labarik sira liu-liu labarik ho idade 16 mai kraik hodi halo atividade nauk. Ne’ebé tenke buka tuir no kaer otak husi grupu nauk-ten nee lais”, Diretór Ezekutivu Luta Hamutuk ne’e esplika.

Diretór ne’e katak, grupu organizadu sira agora maiória nauk telefone hosi hadau, tama ema nia uma, foti iha motor laran, ka kareta Laran, ne’e tanba nauk-ten sira sente fasil hodi hetan lalais. tuir nia esplikasaun katak, tanba iha Timor seidauk Iha lei kona-ba uzu telefone no simcard. Loloos Presiza iha lei uzu simcard, no ema ne’ebé atu sosa simcard tenke hatudu telefone no nota sosa telefone iha fatin legál.

José Alves da Costa fó rajaun kona-ba Kauza hosi nauk, primeiru; tanba ekonómia familia baixa hela iha standar Moris. Segundu; ema servisu loron-loron la iha, maibé presisa han, tanba ne’e dalan ikus nauk hodi bele sustenta moris no goja nia moris. Terseiru; Lei ladauk forte hodi kondena naukten Sira. Kuartu: insatisfasaun ba kazu korupsaun sira dalabarak la kondena no kastigu, maibé defende malun balun livre. Quinto: Sistema kontrola hanesan CCTV iha fatin-fatin seidauk iha no balun ladauk funsiona.

Polisia kaptura suspeitu nain-3 ho evidensia motor 3 ne’ebe lakon iha Dili

Prevensaun: tenke haforsa ho lei hodi regula, fó kompetensia ba inanaman hodi kontrola oan sira no eduka ho diak. Instala CCTV iha fatin públiku, iha bairu sira. Tenke fo sansaun makaas ba koruptor sira ho rígor hodi públiku sente satisfaz, ikus kria kampu Servisu barak hodi ema hotu Flexibel asesu ba Servisu.

Asaun hosi nauk rezulta ema mate, autor ne’e minoridade mak hein to’o otas 17 hafoin bele halo prosesa tuir Lei. Tenke kaptura autor ka suspeitu nia bos hodi responsabiliza.

Autoridade seguransa tenke servisu hamutuk ho komunidade hodi bele halo identifikasaun imediata atu nune’e prevene asaun naukten livremente. Halo manutensaun ba CCTV sira hodi operasionaliza 24 oras durante semana nia laran.

Editór Testu : Amito Qonusere Araújo

relavante