banner 728x90

Lia hosi sarani Katólika ba Bispu foun Diocese Baucau

Lia hosi sarani Katólika ba Bispu foun Diocese Baucau

banner 120x600

G-NEWS (DILI) – Sarani Katólika hosi Diocese Baucau, Dili no Maliana fó votus parabens ba Bispu foun Diocese Baucau Dom Leandro Maria Alves, ne’ebé sei realiza iha loron Sexta-Feira, loron 21 fulan Jullu tinan 2023, iha Igreja Katedral Diocese Baucau.

Sarani ida hosi Suai Alberto da Costa Barreto, kinta-feira (20072023) liuhosi telfónika inform aba G-News katak, sente kontenti no haksolok tebes ba Bispu foun Diocese Baucau, ne’ebé simu ordenasaun Episcopal. Tuir nia, ida ne’e hanesan momentu ida importante ba Igreja Katólika iha Timor Leste, tanba iha ona Bispu foun, hodi troka Bispu antigun Saudozu Dom. Basilio do Nascimento, ne’ebé fila hikas ona ba Aman Maromak nia kadunan Santu.

banner 325x300

“Sente kontente tanba ita iha ona Bispu foun. Ita apoiu orasaun nune’e bispu foun bele kontinua hala’o nia kna’ar tuir dalan Maromak nian, hodi servi nia bibi sira”, haktuir Nia.

Iha parte seluk, Ângelo Cardoso, hosi Parókia Dili informa, sente kontenti tanba Igreja Katólika iha Timor iha ona Bispu foun. “Ita nu’udar sidadaun no sarani Katólika, ita agradese ba Maromak, tanba hili ona Bispu foun ba Diocese Baucau nian, hodi servi nia bibi sira”, Ângelo aumenta.

Marcos Lopes, hosi Viqueque, inform aba G-News, liuhosi telefóne dehan, fó de’it votus parabens ba Bispu foun Dom. Leandro Maria Alves, atu sai bispu ne’ebé haklaken Maromak nia lia-fuan ba sarani sira, iha Timor Leste liu-liu ba sarani sira iha Diocese Baucau tomak.

Entertantu, iha serimónia ordenasaun Episcopal Dom Leandro Maria Alves, sei partisipa mós hosi Prezidente Repúblika José Ramos Horta.

Tuir nota komunikadu ne’ebé G-News asesu katak, Xefe Estadu promote ba komisaun organizadora ba ordenasaun episcopal nian katak, sei partisipa ordenasaun ne’e, no komisaun organizadora mós husu ba Xefe Estadu atu hato’o diskursu Estadu nian depois bensaun final.

Entertantu, oras ne’e dadauk, Komisaun Organizadora no sarani sira hosi Diocese Baucau hahú halo preparasaun másimu ba eventu sagradu ne’e, nune’e bele realiza serimónia ordenasaun episcopal ba Dom. Leandro Maria Alves, lao ho susesu.

Jornalista       : Ekipa G-News

Editór Testu : Amito Qonusere Araújo

relavante