banner 728x90

Lori Eskola Ba Uma, Reitór DIT : ‘’Estudante sira komesa hakilar konabá Pulsa’’.

banner 120x600
2 Views

G-RTV NEWS : Bainhira kazu COVID-19 mosu no aumenta iha Timor Leste, Guvernu deside hala’o suspensaun ba atividade  Eskolar iha Territóriu Nasionál. Durante suspensaun atividade prezensiál iha Eskola, Manorin sira sempre akompanha Estudante sira liu husi aplikasaun Zoom no aplikasaun sira seluk hodi kontinua hala’o prossesu aprendijazem.

’ Agora Universidade ita lori ba Uma, prossesu aprendijazém la’o, estudante sira komesa hakilar konabá pulsa karregamentu telemóvel ‘’ Haktenik  Dr. Álvaro M. Amaral, PhD iha nia kna’ar fatin, Universidade DIT, Munisípiu Dili ( 21/03/2021).

banner 325x300

Reitór DIT ne’e reforsa tan katak ‘’ agora dadaun ne’e estudante sira tenke gasta $1 loron ida ba pulsa, nune’e husu tulun ba Guvernu atu responsabiliza netik pulsa $0,50 no Estudante  sira $0,50 atu fasilita hodi labele lakon oportunidade ba aprende liu husi Online’’, Nia Haktuir.

Akadesmista DIT ne’e fo razaun ida ne’e tamba Lockdown, Inan-Aman sira labele ba servisu, lakon saláriu, despeja uma-laran aumenta, nune’e Nia husu guvernu bele fo subsídiu liu husi operadór telekomunikasaun ba estudante sira.

Iha Fatin hanesan, Dr. Longuinhos Dos Santos responde katak ‘’ Guvernu konsidera preokupasaun  konabá linha Internet no nia karregamentu, maibé bu’at sira ne’e hotu, depende ba planu orsamentu ne’ebé aprova iha 2021’’ katak Ministru Ensinu Superior, Siénsia no Kultura.

Tuir planu, guvernante ne’e esplika katak sei fahe ekipamentu protesaun ba kada eskola atu bele proteje estudante sira ba surtu COVID-19 ni’an.

Jornelista : Eckoj Mressy

Editor : Armenio.

relavante