banner 728x90

Lori Xanana-Horta Ba Ukun, CNRT Kontinua Simu Militante Afiliadu Husi Partidu Seluk

Jacinto Rigoberto fo hatais faru Partidu CNRT ba afiliadu sira // Foto: ekipa G-RTV.com
banner 120x600
35 Views

Jornalista : Arménio //

G-RTV.com (Dili) : Atu lori Líder Nasionál Kay Rala Xanana Gusmão no José Ramos-Horta ba ukun liu husi eleisaun Prezidensiál 2022 no Parlamentár 2023, Partidu Congresso Nasional De Reconstrução Timor Leste (CNRT) kontinua simu militante ne’ebé afilia husi partidu seluk.

banner 325x300

Reprezentante militante afiliadu deklara, mai hamutuk ho CNRT la’ós tambá ho intensaun ruma maibé ho konsénsia.

‘’Ami mai (Afilia) la’ós tambá ho intensaun, maibé ami mai ho prinsípiu ida, la liu husi konsolamentu ida, mai ho konsénsia tambá atu lori Ramos-Horta ba Prezidente Repúblika no Xanana Gusmão ba Primeiru Ministru’’. Deklarasaun husi reprezentante afiliadu, Franscisco Fontes Leite.

Nia moos apela ba ema hotu atu labele ezerse nia votu ba kandidatu no partidu seluk tambá konsidera sei estraga votu.

’Labele ezerse imi nia direitu ba ida ne’ebé sente katak lakon ona, ne’e estraga,  maibé ezerse imi nia votu fo bá maun Xanana-Horta’’. afirma Francisco.

Franscisco moos esklarese, sira la iha problema ho partidu ne’ebé antes ne’e sira pertense iha tinan 20 resin maibé ho vontade no konsiénsia hakarak hamutuk fali ho Partidu CNRT.

Iha fatin hanesan, Sekretáriu Jerál Interinu Partidu CNRT, Jacinto Rigoberto fo nia agradesimentu ba militante afiliadu sira ne’e.

‘’ Ami agradese no konta ho ita bo’ot sira nia prezensa no apoiu importante atu ema seluk labele kaer ukun tuir sira nia hakarak hodi viola lei, maibé tenke ho Maun Bo’ot nain rua (Xanana-Horta) ‘’. Lia agradesimentu husi eis-membru guvernu ne’e.

Sesaun Foto Hamutuk // Foto : Ekipa G-RTV.com

Fontes ne’e fortifika liu tan, iha loron 19 Marsu 2022, tenke vota ba Premiadu Nóbel Paz, José Ramos-Horta atu sai Prezidente Repúblika períodu 2022-2027 no Líder Nasionál Kay Rala Xanana Gusmão liu husi CNRT iha eleisaun parlamentár 2023 atu ukun fila-fali hodi hadia naksalak sira ne’ebé durante ne’e akontese.

Atividade afiliasaun ne’e, hala’o iha Aldeia Kaitapo, Suku Aidaba Leten, Postu Administrativu Atabae, Munisípiu Bobonaro iha loron 13/02/2022.

Militante afiliadu husi partidu seluk mai hamutuk ho CNRT hamutuk ema 100 resin ne’ebé antes ne’e partidu CNRT iha períodu eleisaun tinan 15 ikus ne’e nunka manan iha suku refere.

Entretantu, Eleisaun Prezidensiál tinan ne’e, sei kompete husi konkorrente na’in 17 ne’ebé naran iha ona tribunál no José Ramos-Horta sai kandidatu úniku husi CNRT. (Remata).

relavante