banner 728x250

Loron Daruak Kampaña Horta iha Baucau, Alin Laek Husu Baucau-Oan Vota Ba Númeru 14

banner 120x600

Jornalísta : Arménio //

G-RTV.com (Baucau) : Kampaña prezidensiál loron daruak, Premiadu Nóbel Ba Páz, José Ramos-Horta hala’o iha munisípiu Baucau, kampu futeból Triloka, Postu-Administrativu Bauca-Villa, kinta ne’e.

banner 325x300

Iha kampu triloka, hakonu mós veteranu munsípiu Baucau ho nia jerasaun sira ne’ebé hatudu nia apoiu tomak bá kandidatu prezidente no prezidente partidu CNRT, Kay Rala Xanana Gusmão.

’Iha tempu susar, ha’u hamutuk ho maun Daitula ne’ebé simu órdem husi maun Xanana, haruka ami lubun oan ida tama uma, sai uma atu organiza funu ho povu, nune’e tempu ona atu hili sira na’in rua, sai ita nia inan-aman rasik atu lori ita ba liberta moris, tambá ida ne’e, ha’u apela ba resposável kaixa ne’ebé uluk subar Daitula, subar ami, ne’e obra husi Xanana no Horta’’, deklara, reprezentante veternau ho kódiku Alin-Laek, perante partisipante kampaña, kitan ne’e, 3/02/2022.

Nune’e, veteranu ne’e husu bá ema hotu, Baucau-oan tomak atu vota ba José Ramos-Horta ho númeru sorteiu 14.

’Tambá ne’e ha’u husu ba Baucau-oan sira atu vota bá ita nia maun Dr. Ramos Horta, atu hadia konstituisaun tambá uluk sira ne’ebé halo lei, aprova lei, maibé sama fali lei, nune’e husu ba imi atu fila-fali ba uma, fó hatene ba malu, atu tú iha ne’ebé, hodi halo mudansa bá moris diak,’’,Esklarese Alin Laek.

Veteranu Alin Laek bainhira hato’o mensajem ba partisipante // Foto : Ekipa G-RTV.com

Antes ne’e, maioria veteranu ne’ebé hamutuk ho Saudozu Daitula to’o lakon iha tinan 1997, fó apoiu tomak bá atuál Primeiru Ministru Taur Matan Ruak sai prezidente repúblika iha tinan 2012 no kontinua ho partidu PLP iha tinan 2017.

Hafoin ida ne’e, Ramos-Horta hato’o nia komprimissu polítiku bainhira eleitu sai Prezidente Repúblika períodu 2022-2027.

‘’Presija sai nasaun ida ne’ebé iha demokrasia saudável, moris iha dame, nune’e PR ba tinan 5 mai, ha’u sei la’o tuir kompeténsia tomak tuir Lei fó, ha’u sei halo diálogu, atu resolve violasaun konstituisaun, hadia parlamentu, hadia guvernu’’, afirma eis-prezidente repúblika, Ramos-Horta.

‘’Ha’u sei servisu maka’as ho guvernu atu ekonomia ba oin, maske la’ós ha’u nia kompeténsia totál, maibé koalia ho guvernu, parlamentu no komunidade internasionál hodi hare prioridade bá rai ida ne’e’’, dehan Horta.

Kandidatu ho númeru sorteiu 14 ne’e, sei koalia ho guvernu kria kondisaun ba investor sira bainhira re-eleitu atu kaer fali pasta hanesan Prezidente Repúblika 2022-2027.

‘’Koalia ho guvernu atu kria kondisaun legál ba investór internasionál, la iha rai ida mak la iha investimentu tambá sei kria kampu servisu bá ema barak’’ , Horta espressa.

Entretantu, partisipatante iha kapaña ne’e, mai husi veteranu, komunidade, militante no simpatizante husi partidu CNRT  iha munisípiu Baucau, inklui mós partidu no movimentu apoiante sira kuaze 3000 resin.

Hetan mós seguransa husi autoriedade seguransa munsípiu Baucau no observadór husi CNE no STAE inklui observadór internasionál. (REMATA).

banner 325x300

relavante