banner 728x90

Luolo Offisializa Nia Re-Kandidatura Iha Ermera, Reprezentante Partidu 5 akompaña

Foto : Ekipa G-RTV.com
banner 120x600

G-RTV.com (DILI) : Ohin, 16/01/2022, Atuál Prezidente Repúblika Franscisco Guterres Luolo offisializa ona nia re-kandidatura bá Prezidente Repúblika períodu 2022-2027, iha munisípiu Ermera.

Serimónia offisiál ne’ebé hala’o iha salaun igreja parókia Ermera antiga, Luolo aprezenta komprimissu fundamentu 4 ne’ebé dudu nia atu re-kandidata dala ida tan hodi tur iha Palásiu Prezidente ba tinan 5 tan.

banner 325x300

’ Nu’udár kandidatu Prezidente Repúblika sai servidór diak bá povu, kaer metin nafatin konstituisaun no lei, kaer metin nafatin unidade povu Timor, promove diálogu ho hotu-hotu,tambá ha’u nu’udár Prezidente Repúblika atuál, ha’u hatene ona ha’u nia kna’ar’’. Tenik deklarante.

Serimónia anunsiu ne’e, hetan partisipasaun husi kuadru Comite Centrál Frente Revolusionário Timor Leste Independente (FRETILIN), no etrutura Partidu FRETILIN nível nasionál no munisípiu iha territóriu Timor Leste hodi deklara moos sira nia apoiu ba Francisco Guterres Luolo.

La’ós de’it militante partidu FRETILIN mak prezente iha serimónia deklarasaun ne’e,  maibé marka prezensa moos husi reprezentante Partidu PLP, PD, partidu promovidu OS Verde De Timor, KHUNTO, PUDD, FRENTE MUDANSA, tuir konvite ne’ebé iha.

Reprezentante Partidu Polítiku hasai foto hamutuk ho kandidatu Prezidente Repúblika hafoin remata serimónia deklarasaun // Foto : Ekipa G-RTV.

Tuir observasaun, hafoin dekreta data eleisaun horseik, Luolo sai deklarante dala-uluk entre kandidatu sira seluk hodi ‘’hadau malu’’ povu nia konfiansa iha festa demokrasia ne’ebé sei hala’o iha loron  19/3/2022.

 

Jornalista : Arménio.

Editór : G-RTV.com

 

 

 

 

 

 

banner 325x300

relavante