banner 728x90

Maneira prevene “ó nia oan la envolve iha kazu nauk”

Imajen: Ilustrasaun
banner 120x600
49 Views

G-NEWS (DILI) – Sosiedade balun iha kapitál Dili, ne’ebé sai vítima ba grupu organizadu ne’ebé nauk telemovel, hasoru feto klosan no inan-feton sira, sai viral tiha durante ne’e. Hosi kazu ne’e, rejulta mós vítima, liu-liu feto no inan-feton sira tenke kanek, tanba monu hosi motor leten bainhira grupu nauk sasan uza fíziku.

Hosi kazu nauk telemovel iha motor leten, sai ona kultura foun ida ba joven balun iha kapitál Dili. Kazu nauk telemovel sempre akontese iha fatin balun ne’ebé grupu organizadu haree katak, seguru atu halo asaun, nune’e bele eskapa.

banner 325x300

Kinta-feira (23052024), G-News dadalia ho Joäo Filomeno de Jesus, nu’udar aman ida hosi oan na’in-7 informa, sente triste haree joven balun organiza malu hodi nauk telemove iha estrada públiku, liu-liu feto sira ne’ebé uza motorizada hala’o viajen.

Durante ne’e iha rede nauk ikan no telemóvel iha Dili

Nia dehan tán, joven tenke tuir formasaun professional hodi prepara an ba futuru, tanba nasaun ne’e presiza sidadaun ne’ebé matenek atu ukun.

“Ha’u triste haree joven balun uza nia tempu livre, tempu osan mean hodi nauk sasan, ne’e sira rasik estraga sira nia futuru, sira rasik mak hakarak atu impede sira nia futuru. Uluk ami sei joven, ami enfrenta problema barak, maibé ami moris nafatin to’o agora tanba ami la estraga ema nia sasan, entaun lia la kona ami, ema la hotar ami, maske moris ki’ak, maibé nauk ne’e, buat la di’ak ida”, Joäo Filomeno de Jesus, ko’alia ba G-News.

João nu’udar aman ida, sente triste bainhira grupu organizadu ba nauk, maiória envolve hosi joven sira ne’ebé tuir loloos sira iha tempu barak atu estuda, aprende no prepara sira nia ba futuru Timor ninian.

“Uluk ami sei joven, ami la iha tempu atu estuda, la iha tempu atu aprende, tanba kondisaun moris. Iha tempu portugés, se mak riku mak bele eskola, entaun ami sira uluk ne’e inan-aman ema toos na’in, entaun ita atu eskola hanusa. Entaun ita nia servisu loron-loron mak ajuda inan-aman ba toos, hein bibi, karau no animal seluk”.

“Joven agora ne’e ita haree oin-seluk. Lakohi eskola, aprende, ba envolve fali iha buat ida la di’ak nian. Uluk ami nia tempu, nauk ne’e proibidu, se mak nauk mak kaer toman, bolu nia, bolu nia inan-aman, no família sira, no populasaun nia oin mak fó moral. Agora la iha, ema nauk, Polísia kaptura, ba husik fali. Entaun ida ne’e la di’ak, tanba la iha sansaun ne’ebé forte, nia sei halo bebeik”.

Deskonfia RAEOA oan nauk fiu Eletrisidade faan iha NTT

Nia husu ba inan-aman no autoridade komunitáriu sira atu fó sansaun rigor ba joven sira ne’ebé envolve iha grupu organizadu nauk, nune’e bele hatauk sira iha futuru.

Iha parte seluk, G-NEWS, mós atu fó sai informasaun báziku kona-ba oinsá atu halo prevensaun ba joven sira ne’ebé envolve iha grupu organizadu nauk nian. tuir mai lee hamutuk;

  1. Husu ó nia oan tanba sá nia hakarak nauk. Ó nia oan motivadu hakarak nauk tanba iha problema seluk ne’ebé nia enfrenta, liuhosi ransu livre.
  2. Presaun hosi ambiente mós enkoraja boot ida atu envolve iha nauk. Ó nia oan hakarak telemóvel foun, ka sapatu foun ida hanesan ninia kolega seluk, dalan úniku mak tenke nauk iha uma laran, liu-liu inan-aman nia osan, ka dalan seluk mak nauk iha liur.
  3. Nesesidade uma laran mós fatór ida atu ó nia oan sai nauk teen. Ezemplu kuandu nia husu osan ba inan-aman mak la fó, dalan seluk mak tenke nauk, nune’e bele atende ninia hakarak.
  4. Prepara rendimentu alternativu ba ó nia oan. Kuandu ó nia oan nauk tanba sente katak la iha kapasidade atu sosa sasan hanesan ninia kolega seluk ne’ebé iha nanis, hanorin ó nia oan atu aprende servisu oinsá buka osan fora óras servisu ka envolve iha servisu kaman seluk ne’ebé bele hetan osan. Ida ne’e mak alternativa ida atu fó responsabilidade oinsá mak atu moris ho independente.
  5. Suporta ó nia oan envolve iha atividade esktrakurikulu ne’ebé di’ak. Apoiu ó nia oan atu fokus ka aprende barak, ka tuir formasaun oi-oin atu aumenta nia koñesimentu no kapasidade ba ninia abilidade ne’ebé iha ho produtivu hanesan desportu, kursu, no atividade seluk ne’ebé benefísia ba nia an rasik.
  6. Inan-aman tenke komunika nafatin ho oan sira. Inan-aman iha responsabilidade atu halo komunikasaun diariamente ho oan sira iha tempu livre, liu-liu han kalan nian. Tanba la iha motivasaun hosi família, oan sira sente mesak loos, no sira sente katak saída mak sira halo ne’e di’ak.
  7. Ó nia oan tenke partisipa misa iha domingu. Partisipasaun iha atividade igreja, liu-liu misa iha kada domingu, no loron santu nian, hodi rona esplikasau hosi Padre no Madre sira, mak dalan di’ak atu prevene an hosi atividade kriminál, liu-liu envolve iha grupu organizadu hanesan nauk. Joven barak mak la hakbesik an ba Igreja. Sira la ba ho rajaun barak, maibé rajaun hirak ne’e lori ita ba dalan nakukun nian. Ba Igreja, laos atu sai santu, maibé ba igreja atu hetan grasa no kbi’it oinsá atu hasoru moris ho tentasaun oi-oin, no ninia solusaun sira.

Editór Testu : Amito Qonusere Araújo

relavante