banner 728x90

Manuél Ho Berta Hetan Tulun Husi Horta no MAMA BOLU, Agradese UPF Inklui PM

Premiadu Nobel da Paz, José Ramos Horta no UPF, Superintendente, Euclides Belo iha sensaun foto ho benfisiáriu // Foto : esploridu.
banner 120x600
18 Views

Jornalísta : Arménio //

G-RTV.com (Dili) : Premiadu Nóbel bá Paz, José Ramos-Horta akompaña hosi Komandante Unidade Polísia Fronteira (UPF), Superintendente, Euclides Belo entrega tan uma dignu ida ba família Manuel Soares ho nia espoja Berta Verdial iha sira nia hela fatin fronteira Timor Leste-Indonézia, Aldeia Tolan TCL 23, Suku Batugade, Postu Administrativu Balibo, Munisipiu Bobonaro, loron kinta (17/02/2022).

banner 325x300

‘’Prosesu kontrusaun uma ne’e hetan apoiu materiál hosi Premiadu Nobel da Paz, José Ramos Horta, ekipa MAMA BOLU no emprezáriu Timor-oan balun no servisu kontrusaun halo direita hosi ekipa membru UPF ho Komandante Polísia Militar (PM), Postu Mota-Ain, Primeiru Sarjentu “Lekiluru” no ekipa tékniku forsa rua’’, Dehan Husi komunikadu imprensa ne’ebé G-RTV.com assesu iha kinta ne’e.

Manuel Soares akompaña hosi nia espoja Berta Verdial ho matawen hato’o agradese ba apoiu konstrui uma too remata, inklui apoiu fasilidade hanesan, kadeira, meza, toba fatin no sasán nesesidade báziku seluk tan.

“Ha’u moris mai to’o forma família até agora buat ida la iha, ha’u mós selu labele ba apoiu hirak ne’e, maibe ha’u sei hasa’e de’it orasaun ba Na’I Maromak atu tulun imi hotu nia apoiu,” Espressa Manuel iha komunikadu ne’e.

Fatin hanesan, Premiadu Nobel bá Paz, Ramos Horta hato’o agradese ba ekipa UPF, Polisia Militár F-FDTL, Ekipa MAMA BOLU ne’ebé hatudu sira nia domin no solidaridade hodi harii hikas uma ba familia ne’e.

“Ha’u agradese ba Komandu UPF señor Komandante Euclides Belo ho sira nia meius hodi halo uma ne’e, ha’u kontente tebes haree uma ne’ebé la fasil ita ona família tiu Manuel ho família pelu menus hela ho di’ak,” Lia agradesimentu husi Kandidatu Prezidente ho nia númeru sorteiu 14 ne’e.

Horta reforsa, apoiu ne’e la bele haree ba nia valór, importante liu maka Timor-oan sira hatudu sira nia domin no solidaridade tenki sai kultura ba Timor-oan sira hodi tau hamutuk apoiu ajuda ba hirak ne’ebé presiza tebes.

Ho hamnasa no kontente parante iha membru UPF tomak nia oin, Horta kontinua afirma bainhira povu hili nia eleitu sai sai Prezidente Repúblika períodu 2022-2027, nia pronto koopera ho UPF, Mama Bolu no Polisia Militár kontinua programa ajuda povu kbi’it laek iha aspeitu oin-oin.

Entretantu, fatin hanesan, Komandante UPF Euclides Belo deklara, antes ne’e nia halo observasaun direita haree família Manuel Soares ho nia kaben no oan mane ida ne’ebé sofre moras difiénsia mentál no fiziku, hela de’it iha uma du’ut ida ne’ebé ho kondisaun ameansadu tebes

“Agradese hosi prossesu inísiu to’o mai agora uma ne’e halo tambá hetan apoiu hosi ita nia Avó José Ramos Horta, ekipa MAMA BOLU no emprezáriu balun ita halo ho nia intensaun atu fasilita de’it komunidade sira ne’ebé merese duni hetan tulun, hanesan Timor-oan ami iha responsabilidade moral atua juda malu,’’ Afirma komadante ne’e iha Komunkadu.

Uma ne’e, ho kuartu rua, sala han fatin ida, no sala bainaka ida, ne’ebé uza material simples uza piku no kalen ne’ebé kompleta ho fasilidade toba fatin hanesan kama, esponja no manta no sumasu. Dadaun ne’e eletrisidade seidauk tama, tanba area refere kategorizadu izoladu.

Antes ne’e, Ramos-Horta no Emprezáriu Timor-oan, Key Xavier hamutuk ho autoridade selebra loron valentine day hodi oferta mós prezente uma furak ida ba Inan-Feton Kbi’it La’ek, Joana Camoes “Bisoi” iha Aldeia Sisurai, Suku Betano, Postu Same-Vila, Munisipiu Manufahi.(remata)

 

 

 

relavante