banner 728x90

MAPKomS Hala’o Lansamentu,  Sidadaun Tinan 60 Ba Leten Simu Vasina AZ Iha Aileu.

banner 120x600
25 Views

G-RTV.Com (AILEU) : Programa VIII Guvernu Konstitusionál ne’ebé lidera husi Primeiru Ministru Taur Matan Ruak, hala’o polítika vasinasaun husi nível nasionál to’o aldeia atu lori povu Timor Leste sai husi situasaun pandemia moras Covid-19.

Polítika ne’e, lori Ministru Ministru Assuntu Parlamentár no Komunikasaun Sosiál (MAPKomS), Franscisco Jerónimo ho ekipa to’o iha Suku Seloi Kraik, Postu-Administrativu Aileu Villa hodi lansa programa vasinasaun ba faze da-ruak iha munisípiu Aileu,  Kinta ne’e.

banner 325x300

’Ha’u nia prezensa iha ne’e, atu halo lansamentu no motiva liña frente hamutuk komunidade sira, atu konsidera vasina ne’e seguru ba ita vida nune’e bele hamosu imunidade komunitáriu hodi luta kontra Covid-19’’. Haktuir MAPKomS Franscisco.

Nia hatutan, deklarasaun polítika estadu nian mak vasina nu’udár dalan ida atu kombate Covid-19 lori Timor Leste bele forte atu sai husi situasaun pandemia Covid-19.

‘’Deklarasaun polítika ba vasina husi estadu mak, vasina nu’udár dalan ida atu kombate Covid-19, ita iha vasina rua, Astrazaneka (AZ) no Cinovax’’. Dehan Ministru ne’e.

Konabá publikasaun média sosiál ne’ebé minimiza ezisténsia vasina AZ, Eis-deputadu ne’e afirma, seidauk iha deklarasaun sientífiku husi  Organizasaun Mundiál Saúde (OMS) ksatak Vasina AZ ne’e la diak.

’Iha média sosiál dehan vasina AZ la di’ak, maibé iha nasaun liu 100 resin mak uja ona vasina astrazaneca, no to’o agora seidauk deklarasaun sientífikamente husi OMS ba Vasina AZ katak la diak’’. Afirma fontes ne’e.

Guvernante ne’e esklarese moos, polítika guvernu nian, to’o rohan tinan 2021, mínimu 80% sidadaun iha territóriu nasionál simu ona vasina.

Observasaun iha terrenu, sidadaun ho idade 60 ba leten kuaze ema na’in 50, ho antusiázmu tebes hodi simu vasina iha suku Seloi Kraik, balun tama ba faze da-ruak.

Jornalista : Arménio.

 

 

relavante