banner 728x90

MAPKOMS la defende Jornalista vota livre, entre diskrimina no izola

banner 120x600

G-NEWS (DILI) – Jornalista sira iha mídia privadu sira foti lian hasoru órgaun eleitóral, tanba autoriza deit Jornalista sira hosi mídia Estatal mak bele vota livre, enkuantu jornalista hosi mídia privadu sei vota tuir resensiamentu eleitóral.

Jestór Rádiu Komunidade Cova Taroman (RCCT) Chamot Nahac, ba G-News Kuarta-Feira (12042023) la aseita ho desizaun kona-ba Jornalista hosi mídia privadu labele vota livre.

banner 325x300

“Nasaun demokrátiku nia lei la limiti ema ida, maibe VIII governu nia ema sira mak komprende sala Demokrásia ne’e sai Demo-Crezy hanesan STAE agora autoriza deit Jornalista hosi Mídia estatal (RTTL no TATOLI) mak vota livre iha fatin ne’ebé sira halo kobertura ba. Serake Ami sira mak laos Mídia estatal nia funsionáriu ne’e la halo profisaun jornalista ne’e”, Chamot esplika.

“Hau hakarak dehan nune’e, Profisaun “Jornalista” nia arti hanesan deit, jadi ami ne’ebe la’os funsionáriu “jornalista” iha mídia estatal mós halo funsaun hanesan. Governu ida ne’e labele konsidera Ami nia Profisaun ne’e hanesan fali ajente Apontamentu Polítika iha kada instituisaun VIII Governu ne’e nian, hatudu momos iha Nasaun ida ne’e, VIII Governu liuhosi STAE hadomi liu RTTL no TATOLI tanba mídia estadu nian, serake mídia privadu iha Timor Leste ne’e la’os pilar ida mós hosi Pilar sira seluk Demokrásia nian”, Nia aumenta tán.

Jestór Rádiu Komunidade Cova Taroman ne’e re-afirma tán katak, labele politiza mídia ho nia ema sira nia servisu tuir âmbitu polítika ne’ebé sempre iha mudansa bainhira partidu ida troka seluk lidera governu ne’e. Tanba jornalista la’os polítika nain mak gosta promete, no jornalista la’os artista mak ema barak gosta, maibé jornalista nia servisu ne’e valor osan mean ba lian laek sira, maske hadesu an la grau ne’ebé valoriza ho salariu bo’ot.

“Ida ne’e lo’s deit diskrimina maibe izola, Ha’u konsidera VIII Governu liu husi STAE haluha ona katak kna’ar servisu mídia “Jornalista” sira mós hola parte importante iha Pilar lima demokrásia nian. Tanba sira konsidera ona servisu mídia ne’e hanesan mós ajente polítika tuir sira nia interese ne’e”, Nia haktuir tán.

“Órgaun Eleitorál liu-liu VIII governu ne’e tenke hatene no konsidera katak, ami nia servisu mós importante iha festa demokrásia ne’e, labele konsidera ami nia servisu iha tempu molok eleisaun maibé iha loron eleisaun despreza ami nia papel ne’e, entaun VIII governu liu STAE hatur ami nia profisaun “ Jornalista” hanesan, tan ne’e fo biban ba jornalista sira iha mídia la’os estadu nian mós atu bele vota livre iha fatin ne’ebé ami halo kobertura ba iha loron eleisaun ne’e”, Chamot aumenta tán.

Jestór Rádiu Cova Taroman ne’e haktuir tán katak, tuir lolos Ministériu Assuntus Parlamentáres no Komunikasaun Sosiál (MAPKOMS) tenke foti ida ne’e sai hanesan asuntu sériu hodi defende Jornalista sira nia servisu, tantu jornalista mídia privadu no mos mídia estatal nian. MAPKOMS hanesan úniku defensór ba jornalista sira, tan ne’e MAPKOMS merese atu ko’alia ho Konsellu Ministru hodi bele reve fali Lei Eleitorál ne’ebé jornalista konsidera Governu hamosu diskriminasaun iha área servisu Jornalizmu, tan ne’e husu nafatin ba MAPKOMS atu foti ida ne’e sai hanesan asuntu importante hodi koalia ho Konsellu Ministru para bele hare fila fali Eleitorál ne’e.

“Ha’u mos hakarak husu ba KI atu labele tilun diuk no matan delek bainhira governu hamosu diskriminasaun liuhosi implementa lei hodi limita jornalista, tanba papel jornalista sira nian iha tempu molok eleisaun, loron eleisaun no depois eleisaun ne’e papel jornalista mos importante atu produz obra jornalístiku hodi fahe ba lian laek sira. KI mós persiza halo pendekatan ho Governu atravez MAPKOMS hodi bele hapara tia implementasaun lei eleitorál ne’ebé ami jornalista konsidera hamosu diskriminasaun ba ami ne’e”, Chamot hakotu.

Jornalista      : Ekipa G-News
Editór Testu  : Amito Qonusere Araújo

banner 325x300

relavante