banner 728x90

Matebian MJ Benevides hasoru malu ikus ho Jornalista iha Meet The Press

Imajen: Ministru Justisa Amândio de Sá Benevides, ko'alia ho Jornalista sira iha programa Meet The Press, ne'ebé organiza hosi SECOMS, iha salaun Konferénsia Palásiu Governu, Dili, iha Seta-Feira (19012024).
banner 120x600
39 Views

G-NEWS (DILI) – Liuhosi Programa Meet The Press ne’ebé organiza hosi Sekretária Estadu Komunikasaun Sosiál (SECOMS) iha Palásiu Governu, kada Sexta-feira, mak iha Sexta-feira (19012024) orseik, SECOMS konvida Ministru Justisa Amândio de Sá Benevides, hodi ko’alia kona-ba problema Passaporte, no konvida mós Ministru Komersiu no Industria Nino Pereira, ko’alia kona-ba problema folin foos.

Programa Meet The Press ne’e, modera direita hosi Sekretária Estadu Komunikasaun Sosiál Expedito Loro Dias Ximenes, ne’ebé partisipa hosi jornalista no editor sira, Diretór Mídia Nasionál, Prezidente Konsellu Imprensa ho nia membru sira, inklui lideransa hosi mídia estatal nian.

banner 325x300

Bainhira Ministru Justisa Amândio de Sá Benevides ko’alia iha programa Meet The Press ne’e, nia konta prosesu sira kona-ba problema Passaporte, ho nia solusaun sira.

“Sasan (Kaderneta Passaporte) ne’e maihosi Finlandia, ita la iha aviaun kargu regular, mak agora mai ne’e uza hela aviaun komersial. Sira lakohi lori mai ne’e tanba seguransa ne’e. Ita esforsu uza Governu Australia, tanba lori passaporte ne’e hanesan lori osan”, Ministru Justisa Amândio de Sá benevides esplika ba Jornalista sira, iha programa Meet The Press, sexta-feira (19012024) iha salaun Konferénsia Palásiu Governu, Dili.

Bainhira Jornalista sira husu perguntas ba Ministru na’in rua ne’e, Governante hatan perguntas sira ho kalma, no esplika tuir prosesu normal ne’ebé iha.

Hafoin liu de’it loron ida, iha Sábadu (20012024), membru Governu hotu inklui mós Ministru Justisa Amândio de Sá Benevides ba iha Aeroportu Internasionál Nicolau Lobato, hodi hein Primeiru-Ministru Kay Rala Xanana Gusmão ne’ebé foin fila hosi rai-liur.

Kuandu Xefe Governu ne’e tun hosi Aviaun, hanesan bain-bain, membru Governu sira forma hodi kaer liman ho Xefe Governu, no akompaña Primeiru-Ministru to’o iha salaun VIP Aeroportu nian.

Iha Salaun laran, Xefe Governu atu fahe informasaun ba membru Governu, maibé derepente de’it, Ministru Justisa Amândio de Sá Benevides hetan atakasaun fuan, no médiku sira labele halo atendimentu emerjénsia iha Aeroportu, no tenta nafatin lori bai ha Ospitál Nasionál Guido Baladares (HNGV), maibé Doútor sira labele salva ninia vída.

Editór Testu         : Amito Qonusere Araújo

relavante