banner 728x90

Maukura krítika makaas PN ne’ebé nakonu ho “intrik polítika”

banner 120x600
20 Views

G-NEWS (DILI) – Relasiona ho tensaun polítika ne’ebé akontese iha Parlamentu Nasionál, iha ne’ebé Prezidente Parlamentu Nasionál Aniceto Guterres notifika deputadu sira nain-16 hosi bankada CNRT.

Xefe Departementu Negósius Estrangeiru no Kooperasaun, Partido Demokrátiku Francisco Dionisio Fernandes “Maukura” esplika ba G-News, Kinta-Feira (23032023) katak, Parlamentu Nasionál hanesan órgaun atu halo lejislasaun, fiskalizasaun tuir desizaun polítika.

banner 325x300

“Ha’u nia hanoin PN hanesan órgaun Soberanu ida ne’ebé nia funsaun atu halo desizaun poítika, lejislador no fiskalizador, nune’e mós nia funsaun sira hotu bazeia ba rejimentu interna ne’ebé iha ona”, tenik Maukura.

Tuir Maukura, Parlamentu Nasionál desde 2017 nakonu ho intrik polítika. Parlamentu Nasionál la iha konsensus atu foti desizaun ruma ne’e, normal. La priense quarom atu halo deliberasaun ruma. Entre Partidu ne’ebé iha Governu no opozisaun.

Tensaun polítika akontese tanba deit polítika nomeiasaun Komisáriu CAC, tanba ne’e mak Maukura esplika katak, Parlamentu Nasionál falha atu hili komisáriu CAC. Ida depende komunikasaun polítika entre bankada sira, atu atinji konsensus.

“Ha’u nia hanoin, PN tenke halo kna’ar loloos tuir lei no rejimentu sira. Pápel rules of law, sira hotu tenke hakruk no respeita ba lei sira”, Nia Salienta.

“Ha’u nia hanoin interese elit polítika makas liu, laos povo nian. Ita haree, lee deit sobre kombate korupsaun. Kazu ne’ebé envolve ema boot ita haree momos hela maibé CAC laiha nehan atu tata. Dalabarak Sira hili ema atu proteze deit ema boot sira. Ezemplu kazu Roo Haksolok. Gasta osan barak, Estadu lakon osan, maibé poder polítika no influênsia polítika mak ita kontinua akompanha deit drama sira hotu”, nia afirma tan.

Tuir Maukura katak, povu mak liurai, tanba ne’e Maukura husu ba sidadaun hotu atu iha eleisaun ida ne’e, Povu tenke matenek hili servidor sira.

Partido politika hanesan instrumentu deit, sira iha kompromisu eleitóral. Promesa tenke halo, laos promete barak maibé ba ukun depois desvia hosi saida mak loloos promete ona atu halo. Interese povu nian tenke as liu, tanba Povu Maubere mak éroi no sira merese ba desenvolvimentu.

Jornalista     : Ekipa G-News
Editór Testu : Amito Qonusere Araújo

relavante