banner 728x90

MdC hetan kastigu tinan 3 tan soke mate Afonço

banner 120x600

G-NEWS (DILI) – Liuhosi alegasaun final Ministériu Públiku husu ba tribunál kastigu arguidu ho naran inisiál MdC pena prizaun tinan 3 suspende tinan tolu tanba komete krime Omisídiu Neglijente.

MP nia haree ba faktis katak, nia lori karreta ho kondisaun lanu, no la hetan lezadu, no arguidu mós konfesa ni la iha problema ho lezadu, arguidu ho família rezolve ona tanba ne’e husu tribunál kastigu arguidu pena prizaun tinan tolu suspende ba tinan 3.

banner 325x300

Enkuantu Defeza ba arguidu, advogadu Americo Martins konkorda alegasaun husi Ministériu Públiku entrega ba tribunál atu hola desizaun.

Akuzasaun ne’ebé Ministériu Públiku aprezenta ba tribunál le sai iha indisius sufisenti katak, arguido MdC serviso nu’udar motorista ba kareta Marka Mitsubishi númeru matrikula 53-416 TLS, ne,ebé iha karta kondusaun ho kategoria A1, B1 ho C1 no kareta refere servisu iha Kompañia OLAM-Delta 1-Dili.

Iha loron 12 fulan Agusto 2021, oras tuku 19:30 Otl, lezadu Afonso Serão Ribeiro ba hola sigaru iha kioske, nune,e wainhira lezadu fila ba nian uma to,o iha área klibur Domin, iha estrada ninin, derepente arguidu konduz kareta marka Mitsubishi Modelo Camião, ho numero matrikula 53-416 TLS mosu husi dirasaun kotuk, ho velocidade maxaimu, soke kedas ba lezadu nian kotuk, hodi lezadu.

Antes arguidu konduz kareta, arguidu hemu ukuk tua mutin jeregen litro 5 hafoin konduz kareta halo viagem ho kodisaun lanu.

Arguidu MdC, komete krime ne,e ho voluntaria, livre no konsientemente la ignora karakter senkurável nian konduta. Arguidu hatene katak wainhira konduz veikulo labele konsumu alkhol no tenke halai neneik hodi fo atensaun ba estrada, maibé arguidu falta de kuidadu hodi konduz nafatin kareta.

Mesmu ho kondisaun lanu arguidu nafatin konduz kareta halai ho velocidade maximu hodi rezulta kareta soke lezadu no halo lezadu mate.
Hahalok ne,e kontra Lei maibé arguidu halo nafatin.

Arguidu MdC hanesan autór materiál Omisídiu Neglijente ne,ebé Previstu no punidu tuir artigu 140 númeru ida Kódigu Penál Timor-Leste.
Iha aúdensia julgamentu arguidu hili direitu ko’alia no hatan katak, fatu ne’ebé konsta iha akuzasaun ne’e loos hotu.

Arguidu deklara, iha altura ne’ebá nia ho kondisaun lanu duni, mak hodi soke mate lezadu.

“Ha’u la koñese lezadu no la iha problema ho nia, ha’u soke tanba lanu,”konfesa arguidu ba tribunál iha sala julgamentu TDD.

Arguidu mós konta katak, arguidu ho família rezolve ona no arguidu entera osan USD 2000 no patraun 10.000 ba lezadu nia família hodi despensa ba prosesu funeral ba vítima nia mate to’o kore metan.

“Ami rezolve ona ho família sira, hau entrega osan USD 2000 patraun mak USD 10.000 ba vítima fen hodi trata ba despensa no mós to’o kore metan,”komfesa arguidu.

Arguidu deklara tan katak, depois sike tiha lezadu arguidu mós para kedas husi servisu, no la lori ona kareta tanba sei trauma.

Alende ne’e lezadu nia fen, Filomena Ena katak, los duni nia simu osan hanutuk USD 12.000 husi arguidu.

“Ha’u simu osan husi arguidu ho nia patraun hanutuk USD 12,000, osan ne’e ami uza hodi halo despensa no to’o kore metan. Ami gasta ona USD 10.000 restu hela USD 2000,”dehan nia.

Rona tiha husi parte rua Tribunál deside adia hikas prosesu ne’e ba iha loron 26 fulan Abríl 2023 tuku 15:00 lokraik hodi submete ba desizaun.

Audiénsia julgamentu ne’e preside husi juiz Afonso Carmona Ministériu Públiku reprezenta husi Prokuradóra Bemvinda do Rosário arguidu hetan asisténsia legál husi Advogadu Privadu Americo Martins.

Jornalista        : Ekipa G-News

Editór Testu     : Amito Qonusere Araújo

banner 325x300

relavante