banner 728x90

Timor Leste Rezista tan kazu Ema Mate ho Covid-19 ba Dala-Tolu.

Foto eqipa G-rtv Julio Paixao
banner 120x600
14 Views

G-RTV News (22/04/2021): Timor Leste rezista tan kazu ema mate ho Covid-19 ba dala tolu iha sala izolamentu Vera-Cruz, Munisípiu Dili, Kinta-Feira ne’e. (22/04).

Matebian ho naran Olga Mendonça tama iha sala izolamentu Óspital Vera-Cruz tamba deteta pozetivu moras Covid-19  iha loron 19 Fulan ida ne’e no hakotu ís ohin iha óras dadér tuku 08:00 resin.

banner 325x300

Tuir kronolojía ne’ebé família informa katak, matebian antes ne’e sofre ona moras komplikadu no família deside labele halo teste Swab.

‘’Antes ne’e, Ami nia inan sofre moras komplikadu liu-liu tensaun sa’e, tamba ne’e iha loron segunda-feira (19/04) ami lori Nia ba iha HNGV no ha’u rasik hateten ba médiku sira atu labele halo teste Swab ba matebian’’. Haktuir oan-feto husi matebian, Evangelista Mendonça Amarál iha fatin izolamentu Vera Cruz.

Bainhira Evangelista husik nia inan iha sala tratamentu, médiku sira halo kedas teste swab ba pasiente.

‘’Ha’u hein loron ida tomak, tamba ha’u lakohi ha’u nia inan Swab, maibé bainhira ha’u sai ba hola bee, médiku sira aproveita halo teste swab subar no rezultadu pozetivu’’ deklara Evangelista.

Fontes ne’e esplika liu tan  katak, tuir rezultadu médiku ne’ebé antes ne’e iha, matebian sofre mós pulmaun foer tamba kauza husi mama-malus, hemu kafé no sempre toba iha rai.

‘’Matebian ne’e sofre pulmaun foer tuir rezultadu konsulta antes ne’ebé iha, tamba kauza husi mama-malus, hemu-kafé, no sempre toba iha  rai de’it.’’. Espresa fontes.

Tuir Informasaun ne’ebé G-RTV assesu iha terrenu, Bainhira matebian tama iha izolamentu, família mate-bian halo kedas  teste Swab rezulta la hetan pozetivu.

Nune’e mós, reprezentante husi  Sentru Integradu Jestaun Krize (SIJK), Dr. Aurélio Guterres informa husi via-telefone katak, parte dadér simu duni informasaun konabá pasiente ida hakotu-ís.

‘’Parte dadér simu duni informasaun husi sala izolamentu vera-cruz katak pasiente ida hakotu-ís, ho nune’e parte jestaun óbitu husi SIJK ne’ebé kompostu husi  pilar ida, pilár 2, pilár 6 no MS no entidade seluk enkontru ho família matebian no ikus mai konkorda sei hakoi iha semitériu públiku Becuse ihas loron aban’’. Klarifika Aurélio.

To’o oras ne’e, Timor-Leste rezista ona kazu ema mate ho Covid-19 hamutuk ema nain 3, Feto rua no mane ida.

Jornalista : Arménio.

Editór : Julio Paixão.

 

 

 

 

relavante