banner 728x90

MEJD Fó Apoiu Umanitáriu ba Sidadaun Afeta husi Inundasaun Iha Kapitál Dili.

MEJD ho Parseiru sira fahe sasan iha kampu refuziadu Salaun INFORDEPE // Foto: Julio Paixão //
banner 120x600
25 Views

G-RTV News (11/04/2021) : Ministériu Edukasaun, Juventude no Desportu (MEJD), hala’o atividade apoiu umanitáriu hamutuk ho Embaixada Portugal no UNICEF relasiona ho inundasaun ne’ebé akontese iha Semana kotuk.

‘’MEJD hamutuk ho Embaixadór Portugal no UNICEF hakarak mai iha ne’e, reprezenta Guvernu atu fo netik buat ruma ba imi hotu ne’ebé afetadu ba inundasaun no haré mós imi nia kondisaun iha fatin refuziadu nian’’ Deklara Ministru MEJD Dr. Armindo Maia iha kampu refuziadu INFORDEPE, Balide, Munisípiu Dili. (10/04).

banner 325x300

Iha Fatin hanesan MEJD husu atu família refuziadu sira hotu atu kuidadu nafatin fasilidade estadu nian ne’ebé refuziadu sira uja, tamba fatin ne’e ita hotu nian.

‘’Ha’u husu ba Família sira iha ne’e atu kuidadu nafatin fasilidade estadu nian, tamba ida ne’e ita hotu nian’’ Klarifika MEJD.

Reprezentante UNICEF iha nia intervensaun dehan fó prioridade liu bá sira ne’ebé ho idade minoria.

‘’ Ami mai Apoiu ita bo’ot sira liu-liu labarik sira, tamba labarik hirak ne’e mak susar liu ita hotu’’. dehan Reprezentante Billal Durani.

Embaixador Portugal João Pedro Machado, fo korájem katak ‘’ Ami sei la taka matan iha situasaun difísil ida ne’e ba imi, ami prontu kontinua ajuda imi hotu ne’ebé afeta ba inundasaun’’. Espresaun korájem husi Diplomata Portugál ne’e.

Família ne’ebé refuzia iha INFORDEPE hamutuk uma-kain 112 akumula ema hamutuk na’in 589 no iha atividade ne’e, akompanha mòs husi Vise-Ministru MEJD  no ekipa husi MEJD.

Programa ne’ebé hanesan MEJD ho parseiru sira sei hala’o mós iha fatin refuziadu sira ne’ebé identifikadu.

 

Jornalista : Julio Paixao.

Aditòr : Armènio.

 

‘’Família Bo’ot Kompanhia GARDAMOR hato’o solidariedade ba Família afetadu Inundasaun iha Territóriu Nasionál , liu-liu iha Kapitál Dili, ne’ebé akontese iha loron 04/04/2021, Forsa nafatin ho korázem tomak, atu ita hotu bele ultrapassa situasaun difísil ida ne’e’’.

 

 

 

 

relavante