banner 728x90

Membru F-FDTL na’in 6 hetan kanek iha asidente Fatuahi

Imajen: Kareta Hicom hosi Komponente Navál F-FDTL hetan asidente Tráfiku iha Fatuahi-Dili (Supply)
banner 120x600

G-NEWS (DILI) – Tersa-feira (03102023), membru foun korpu Komandu Fuzileiru Komponente Navál, hosi Falintil Forsa Defeza Timor Leste na’in 14, hamutuk ho sarjentu na’in rua, hetan asidente tráfiku iha Fatuahi, ho Hicom forsa nian, tanba derepente travaun la iha.

Tuir informasaun ne’ebé G-News rekolla, membru korpu komandu fuzileiru hosi komponente Navál ne’e, atu hala’o ezersisiu área Merguilador ka luku nian iha ponte kais Dili.

banner 325x300

Tuir informasaun hosi fontes G-News, ne’ebé lakohi públika nia identidade, informa, iha Ospitál Nasionál Guido Valadares (HNGV) tersa-feira ne’e katak, asidente ne’e akontese tanba derepeten travaun kareta Hicom la hetan, nune’e kondotor tenta halai sai hosi estrada nune’e prevene númeru aasidente boot iha estrada públiku.

Ho nune equipa kompostu husi sargentu ida ho nia elementus ba Merguilador nian, hamutuk 14 inklui, kondutor nu’udar Sargentu na’in-rua, sira hamutuk na’in-16 iha Hicom nia laran. Hafoin sira sai husi Dili mai to’o iha area Fatuahi tun ona mai atu tama ba Becora derepente travaun Hicom laiha entaun kondutor deside tenta sai hosi estrada hodi labele estraga ba populasaun nia uma ka ema seluk nia vida”, fontes ne’e informa.

Bainhira kondotor refere halai sai hosi estrada, hodi soke ba rai lolon, hafoin kareta tama ba valeta, nune’e rejulta membru na’in 6 hetan kanek, no membru sira seluk ho kondisaun di’ak.

Hafoin akontese asidente, vítima asidente trâfiku ne’e hetan kedas apoiu hosi forsa Komponente Navál hodi evakua ba Ospitál Nasionál Guido Valadares hodi hetan tratamentu intensivu.

Membru hirak ne’ebé atu tuir ezersísiu merguilador la konsege kontinua sira nia atividade sira. Tuir informasaun, kareta Hicom ne’ebé hetan asidente, sei kontinua para iha fatin akontesimentu.

Entertantu to’o informasaun ne’e fó sai, G-News seidauk hetan konfirmasaun hosi Estadu Maiór Jenerál Forsas Armadas, no Komandante Komponente Navál.

Jornalista       : Ekipa G-News

Editór Testu : Amito Qonusere Araújo

relavante