banner 728x90

Mídia ladun fó espasu kobertura ba ASEAN

banner 120x600

G-NEWS (DILI) – Provedória Direitus Humanus no Justisa (PDHJ) konsidera kobertura mídia ba polítika adezaun Timor Leste iha ASEAN ladun tau atensaun.

Provedór Virgilio da Silva Guterres “Lamukan” ba Jornalista sira, iha Edifísiu Konsellu Imprensa, Kinta-Boot, Tersa-Feira (10052023) fó ninia observasaun katak, durante ne’e mídia Nasionál sira ladun fó espasu ba kobertura mídia iha iha ASEAN nian, maske iha mídia GMN iha kobertura kona-ba ne’e.

banner 325x300

“Buat ida ne’ebé durante ne’e Ha’u nota ne’e mak, kobertura Jornalistika Timor ladun tau atensaun ba ita nia adezaun ba ASEAN. Durante ne’e Ha’u haree mak GMN mak iha espasu ASEAN news. Informasaun hosi ASEAN ninian”, Eis Prezidente Konsellu Imprensa ne’e haktuir.

Provedór PDHJ ne’e haktuir tán katak, to’o oras ne’e mídia sira seidauk halo kobertura jurnalistíka kona-ba vantazen tama ASEAN.

“Ita seidauk fó espasu ka kobertura tanba sá mak ita tenke tama ASEAN. Ita tama ASEAN ninia vantazen ba Povu Timor ne’e saída? Saída mak ita tenke halo atu parte promosaun. Se diak, ita Jornalista ka Mídia sira mak tenke fó espasu ba ASEAN ninian”, Nia haktuir tán.

Ho informasaun ne’ebé Eis Prezidente Konsellu Imprensa Virgilio da Silva Guterres “Lamukan” rona hosi Prezidente Repúblika José Ramos Hirta katak, Estadu iha ASEAN fó rekezitu ne’ebé todan ba Timor Leste bainhira atu sai membru ba Organizasaun Rejional ne’e.

“Kona-ba prosesu atu tama ne’e kestaun polítika, ita hein ukun na’in sira nia esforsu. Buat ne’ebé Ha’u rona hosi Prezidente da Repúblika maka, nia road Map ne’e, iha rekezitu sira ne’ebé todan liu ba Timor atu hala’o”, Lamukan esplika.

Maske nune’e, Provedór PDHJ husu ba Jornalista no mídia sira atu kontinua fó espasu ba polítika adezaun ASEAN nian, nune’e públiku presiza atu hatene.

“Mas Ha’u hanoin ba Mídia ne’e ita presiza ita fó hatene nia todan ne’e saída, se todan liu, saída mak ita propoin ba ASEAN atu aseita ita”, Eis Prezidente Konsellu Imprensa ne’e hakotu.

Entertantu, Timor Leste ofisialmente partisipa ona simeira ASEAN nu’udar Estadu membru Observádor ba dala-11.

Tuir komunikadu ne’ebé G-News asesu, Primeiro Ministro Taur Matan Ruak, kuarta-feira(10052023) partisipa ofisialmente iha simeira ASEAN ba dala-42 iha Laboan Bajo-Indonézia. Simeira ne’e prezide hosi Repúblika Indonézia hanesan Chairman ASEAN.

Jornalista     : Ekipa G-News
Editór Testu  : Amito Qonusere Araújo

banner 325x300

relavante