banner 728x90

Militante CNRT no FRETILIN nia hanoin kona-ba kampanha ikus iha Dili

banner 120x600

G-NEWS (DILI) – Kinta-Feira (18052023), Partidu CNRT no Fretilin, hala’o kampanha ikus iha sidade Dili. Partidu CNRT sei taka nia kampanha ikus iha Tasitolu Dili, no Partidu FRETILIN hala’o mós iha komísiu polítika iha Dili, hofatin ne’ebé diferente.

Militante ida hosi Partidu CNRT João Ramos partisipa kampanha partidu CNRT iha tasitolu, atu fó vitótia ba Xanana Gusmão hodi ukun períodu dala-ida tán, hodi hadia povu nia moris.

banner 325x300

“Ohin ha’u partisipa kampanha ba Avo nian, atu fó vitória ba Avo atu ukun, hadia povu nia moris”, militante ne’e esplika ba G-News.

” Ha’u ho família tomak ba Tasitolu atu rona avo nia lian, avo nia programa. Ita nu’udar povu tenke fó apoiu mássimu ba Avo hodi vota iha loron 21 fulan maiu, tanba avo mak hadomi povu durante ne’e”, Nia aumenta tán.

Militante seluk hosi CNRT Raul deklara atu partisipa kampanha partidu CNRT hodi rona Xanana nia mensajen no programa, nune’e labele vota sala hodi fó risku ba Estadu iha futuru.

Iha parte seluk, militante partidu FRETILIN Armindo Gomes dehan, partisipa iha atividade kampanha partidu Fretilin tanba konsidera nu’udar partidu istóriku, maibé eleisaun ne’e segredu.
“Ohin ami ba kampanha Partidu Fretilin nian, ne’e partidu istóriku, ita tenke valoriza, maibé eleisaun mak ita deside, tanba segredu”, Armindo informa ba G-News iha Colmera, Kint-Feira (18052023) meúdia.

” Ha’u nia naran Rosentina Sarmento, militante partidu Fretilin, sente kontente tuir kampanha partidu Istóriku Fretilin nian. Viva Fretilin de’t maun Jornalista”, Rosentina hakilar, no ho motor lao dadauk ona.

Iha atividade kampanha partidu CNRT no FRETILIN iha Dili, movimentu transporte mosu engrafamentu, liu-liu diresaun ba tasitolu Dili. Autoridade seguransa kontinua kontrola movimentu nune’e evita asidente no insidente iha estrada públiku.

Jornalista     : Ekipa G-News
Editór Testu : Amito Qonusere Araújo

banner 325x300

relavante