banner 728x90

MNEC Osan La Iha, Obriga hapara Kontratu, Juliana : Guvernu Hamate Ami nia ‘’Ahi-Matan Dapur’’

banner 120x600
33 Views

G-RTV NEWS : Guvernu liu husi Ministério Negóçio Estrangeiro e Cooperação ( MNEC) hapara kontratu ho Kompanhia Seguransa Gardamor tamba osan la iha, no obriga trabalhadór na’in 31 ne’ebé durante ne’e servisu hanesan Seguransa iha Edifísiu MNEC, Praias dos Coqueiros, Dili lakon servisu.

Trabalhadora Juliana Lemos Esplika Katak ‘’hanesan feto, ha’u Servisu, durante tinan barak, ho servisu ne’e mak ha’u sustenta ha’u nia família liu-liu iha situasaun COVID-19 ni’an’’ haktuir eis-seguransa Edifìsiu MNEC ba G-RTV NEWS, iha Aldeia 03, Suku Fatuhada, Munisìpiu Dili. (17/03/2021).

banner 325x300

Nia Afirma liu tan katak ‘’ Kompanhia fo servisu ami, liu husi tender ne’ebé oferese husi Guvernu, maibé guvernu taka hanesan ne’e, oinsa guvernu bele fo servisu seluk ne’ebé ami bele halo nune’e labele hamate ami’’.

Iha fatin hanesan, trabalhadór Januario Ricardo hatete katak ‘’ Ami Servisu iha ne’e kleur ona, maibé tamba ho profesionalizmu ne’ebé kompanhia Gardamor no ami hatudu Guvernu haruka ami servisu nafatin to’o ohin loron maibé derrepente hapara ami ho razaun tamba Osan la iha’’ haktenik Aman ne’ebé hamutuk ho nia família hela uma Kos iha Dili.

Iha sorin seluk Pessoál Jurídiku Seguransa Gardamor reforsa katak ‘’ Ami simu duni  karta husi MNEC hodi hapara ami nia kontratu ho razaun tamba osan la iha’’, dehan Sabino Da Costa iha edifìsiu Kompanhia Gardamor.

Ba trabalhadòr sira, jurìdiku ne’e hatutan katak kompanhia la hapara sira, maibè tamba Ministèriu mak haruka Gardamor retira husi fatin refere, atu fo fatin ba Seguransa Sivìl Guvernu ni’an  atu kontinua.

Tuir Diretór FONGTIL, Daniel Santos do Carmo liu husi Via-Telefone  ba Jornalista G-RTV NEWS hateten katak ‘’Guvernu tenke tetu tamba ita iha hela situasaun difìsil, guvernu hapara kontratu ne’e singnifika guvernu kontribui ba aumentu númeru Dezempregu iha Timor Leste’’.

Diretór Sosiedade sivil realsa liu tan katak nia enkoráza trabalhadór sira ne’e, atu bele ba hato’o keixa ba parte kompetente atu hetan justifikasaun tamba kontratu hapara ho razaun osan la iha ne’e la razoável.

Tuir fontes ida husi Funsionáriu MNEC ne’ebé G-RTV NEWS assesu, justifika katak, sira iha problema bo’ot ho sira nia orsamentu tamba tenke ko’a 7% ba kompanhia fornesedór Cesta Basica. Ho ku’a 7% ne’e, ninia inpaktu boot liu ba servisu diplomata Timor-oan iha rai li’ur tamba razaun ida ne’e mak sira tenke hapara kontratu ho kompanhia Seguransa  GARDAMOR. 

Jornalista : Júlio Paixão.

Editór : Arménio.