banner 728x90

Molok Inisia Kampaña Prezidensiál, Xanana Fó Omenájem Bá Saudozu Kilik Waigae

Xanana ne'ebe kaer Micro // Foto : Ekipa G-RTV.com
banner 120x600
38 Views

Jornalísta : Arménio //

G-RTV (Baucau) : Molok inisia kampaña prezidensiál husi kandidatu José Ramos-Horta iha Tersa ne’e (02/3), Líder Nasionál no prezidente partidu CNRT, Kay Rala Xanana Gusmão hala’o konsolidasaun ho militante afiliadu husi partidu seluk iha aldeia Ague, Suku Seixál, munisípiu Baucau.

banner 325x300

Iha konsolidasaun ne’e, Xanana diriji ‘’um minutu silénsiu’’ hodi fó mós omenájem ida ba erói nasionál, saudozu Kilik Waigae.

’Ho erói sira nia klamar mak lori ita ba ukun-án, iha fatin ne’e, ita hanoin mós Kilik Waigae, Seixál nia oan ida ne’ebé fó nia isin no klamar ba ukun-án, husu bá sira atu iha tempu ne’e, labele haluha tau matan ba ita’’, dehan Xanana, iha aldeia Ague, Segunda, 01/3/2022.

Nia hatutan tan, tan erói sira nia mate, atu povu sira hakmatek  iha ukun-án, harii estadu ida metin hodi haree ba dezenvolvimentu.

‘’Kilik, avó sira, matebian sira, imi fó han ba mate, atu povu ne’e hakmatek iha ukun-án, harii estadu ida metin hodi hare ba dezenvolvimentu, hadia povu nia moris, ohin loron povu tomak hasoru krize bo’ot ida, ne’e duni labele haluha ho raik-án tebes, ami ne’ebé sei moris, lakohi soe tiha imi nia mehi ba ukun-án’’, espressa líder karrismátiku ne’e.

Saudozu Kilik Waigae ho naran kompletu Reinaldo Freitas Belo nu’udár Xefe Estadu Maior FALINTIL iha tempu okupasaun indonézia bainhira Timor Leste luta hela ba nia independénsia.

Entretantu, iha konsolidasaun ne’e, militante husi partidu balun ne’ebé tinan 20 resin sempre fó votus ba sira nia partidu, deklara hodi nakfilak-án no fó garantia bá eis-Prezidente Repúblika, Xanana Gusmão katak iha suku refere, kandidatu prezidente Ramos-Horta ho númeru sorteiu 14, sei manan maioria iha suku Seixál, no sei kontinua apoiu ba eleisaun parlamentár.

Ba terseira idade sira, Xanana mós kontinua alerta atu labele tu’u sala bá númeru sorteiu 14 nu’udár kandidatu nasionál, indika husi CNRT ne’ebé nia lidera.

Militante afiliadu iha serimónia konsolidasaun ne’e, kuaze 500-resin ne’ebé fó apoiu ba partidu CNRT ho nia kandidatu prezidente.

Tuir oráriu, Kandidatu Prezidente Repúblika 2022-2027, José Ramos-Horta, sei hala’o nia kampaña da-uluk iha munisípiu Lautém hahu 12:00pm to’o remata ho forma komísiu iha kampu futeból 744, Lospalos-Villa ne’ebé hetan akompañamentu husi Kay Rala Xanana Gusmão. (Remata).

relavante