banner 728x90

MORAKX-KXG prontu fo apoiu inkodisionálmente bá Xanana Gusmão

banner 120x600
64 Views

G-RTV.com (Dili) : Movimentu Rezistênsia Apoiu Komadante Em Xefe Kay Rala Xanana Gusmão (MORAKX-KXG)  hanesan movimentu ida ne’ebé sei fo apoiu tomak bá movimentasaun polítika Xanana Gusmão nu’udár prezidente partidu CNRT.

Tuir komunikadu imprensa ne’ebé G-RTV.com assesu iha loron 10 fulan Janeiru tinan 2022, esplika ‘’objetivu husi MORAKX-KXG mak atu fo apoiu inkondisionalmente bá Kay Rala Xanana Gusmão nu’udár komadante em xefe no Prezidente Partidu CNRT atu hetan vitória iha eleisaun prezidensial 2022 no parlamentár 2023’’ haktuir iha komunikadu imprensa ne’ebé assina husi pezidente MORAKX-KXG, Frederico F. de Jesus ‘’KIAK’’.

banner 325x300

MORAKX-KXG harii husi ema rezisténsia hamutuk ho jóvem mileniál no eis-militár, eis- polísia ne’ebé reformadu ho konvikasaun ida katak apoiu Kay Rala Xanana Gusmão hodi kontinua Luta bá soberania nasaun atu hatur hikas demokrasia tuir dalan konstituisaun no defende liu tan soberania estadu : Rai, Tasi, Lalehan ho nia rekursu sira.

Estabelesimentu MORAKX-KXG inisia iha Setembru 2021 no ofisializa iha loron 22/12/2021 liu husi fo posse bá  estrutura nasionál no inagurasaun sede husi vise-prezidente CNRT, Virgîlio Smith ne’ebé hetan despaixu direta husi prezidente partidu CNRT.

Jornalista : Julio Paixão.

Editór : Ekipa G-RTV.

relavante