banner 728x90

MTCI kontinua promove Turismu komunitáriu

banner 120x600

G-NEWS (DILI) – Liuhosi programa Meet the Press kons-ba atinjimentu no progresu servisu ne’ebé mak atinji durante mandantu inklui planu prioridade ne’ebé atu implementa antes de mandatu remata ne’ebé Sekretária Estadu Komunikasaun Sosiál (SEKOMS) organiza, Kinta-Feira (3003023), Ministériu Turismu, Komérsiu no Industria (MTCI), kontinua promove turismu komunitáriu ne’ebé implementa iha nível komunitáriu iha territóriu Nasionál.

Diretór-Jerál Ministériu Turismu Jelino Soares ba Jornalista sira iha Salaun Auditórium Palásiu Governu esplika, Ministériu Turismu kontinua nafatin apoiu dezenvolvimentu komunitáriu ne’ebé hari’i hosi komunidade sira iha komunidade nia leet.

banner 325x300

“Ami kontinua nafatin ho dezenvolvimentu turismu, dalaruma ita hasoru dezafius”, Jelinho esplika.

Alende ne’e, Ministériu Turismu, Komérsiu no Industria mós sei dezenvolve fatin istóriku sira sai fatin turistika.

“Turismu Jornada Rezisténsia, ami servisu hamutuk ho ita nia aman veteranus sira, bele dezenvolve fatin istóriku sira, nune’e bele prezerva ba jerasaun foun sira”, Nia aumenta tán

“Tipu turismu ne’ebé ita dezenvolve, maibé ami mós haree lejislasaun sira, planu estratéjiku Turismu ninian. Lejislasaun ne’e importante tebes, atu bele fó kompeténsia ba Ministériu, nune’e bele implementa tuir lei ne’ebé iha”, tenik Nia.

Antes atu hakotu, Diretór-Jerál Ministériu Turismu husu ba sidadau hotu-hotu atu kontribui másimu ba setór turismu. Nia dehan tán, sidadaun sira tenke hadomi ambiente, tanba agora tenpu udan, kuandu soe foer arbiru, ambiente sei la furak.

Alende ne’e, Governu iha papel atu prepara polítika no lejislasaun sira, hodi halo investimentu ba sítiu turístika sira tuir lei ne’ebé iha.

Jornalista     : Ekipa G-News
Editór Testu  : Amito Qonusere Araújo

banner 325x300

relavante