banner 728x90

MTK sei Formaliza ezisténsia Kompanhia ISP Inklui Gardamor-ISP atu ajuda Iha Fornesimentu Linha Internet.

Ministru Jose Agustinho // Foto : Gabinete MTK
banner 120x600

G-RTV News (07/04/2021) : Atu normaliza atendimentu linha Internet ho velosidade lais liu iha Timor Leste, VIII Guvernu liu husi Ministériu Transporte no Komunikasaun (MTK), tempu badak sei fomaliza ezisténsia Kompanhia  fornesedór linha Internet ka Internet Service Provider (ISP) atu halo operasaun hodi fasilita linha internet ho velosidade laís no seguru.

Tuir Ministru Transporte no Komunikasaun José Agustinho da Silva hateten katak :

banner 325x300

‘’Durante ne’e ita dependénsia ba operadór telekomunikasaun tolu (3) hanesan Timor Telecom, Telekomcel, no Telemor, nune’e ha’u reuni ona ho ANC atu assegura nafatin ita nia linha Internet’’. Haktuir Agustinho hafoin remata simu vasina iha Sentru Saúde Formosa, Munisípiu Dili (07/04).

Konabá problema ne’ebé sempre mosu iha linha Internet, halo kliente sira la satisfas , iha semana hirak ikus ne’e, Guvernante ne’e esplika :

 ‘’Serka Sanitária, kliente maioria iha uma de’it, halo nessesidade ba infomátika ne’e ás, ita nia telefone 4G, domina iha rai laran, nune’e afeta ba velosidade internet ne’ebé lento, tamba kapasidade iha de’it 200 MbS, la aguenta ho volume utilizadór ne’ebé ás’’. Haktuir Nia.

José Agustinho liu husi nia guvernasaun, fo nia solusaun ba problema refere,  katak ‘’Ba dala uluk, atu asselera konkursu ba hasa’e kapasidade Linha Internet husi 200 MbS ba iha 1GB ho nune’e bele garante ona velosidade laís liu ba kliente hotu, nu’udár solusaun provizóriu hodi hein ita nia fibra óptika,  ba daruak ni’an mak tempu badak sei asselera prossesu rezistrasaun no formalizasaun ba ezisténsia kompanhia sira ne’ebé mak hala’o operasaun iha ISP hanesan Gardamor-ISP no sira seluk tan atu ajuda fornese linha Internet’’ esklaresimentu husi Agustinho.

Entertantu iha loron 01 Fulan ida ne’e, MTK distribui ona sertidaun rezistu ba iha kompanhia fornesedór Internet inklui Gardamor-ISP ho númeru rezistu 001 hafoin iha fulan hirak liu bá hetan suspensaun hamutuk ho kompanhia ISP sira seluk tuir ezizénsia husi Ministériu Públiku.

Jornalista : Arménio

 

‘’Família Bo’ot Kompanhia GARDAMOR hato’o solidariedade ba Família afetadu ba Inundasaun iha Territóriu Nasionál , liu-liu iha kapitál Dili, ne’ebé akontese iha loron 04/04/2021, Forsa nafatin ho korázem tomak, atu ita hotu bele ultrapassa situasaun difísil ida ne’e’’.

 

 

banner 325x300

relavante