banner 728x90

Natalino: Sasan La Iha Ida Mak Salva, Inklui Hahan no Monografia Eskola.

Kondisaun Uma Aluga ( KOS) Estudante ne'ebe hetan estragus husi Inundasaun // Foto : Armenio.
banner 120x600
14 Views

G-RTV News (06/04/2021) : Dominggo loron páskoa, iha ne’ebé sarani katólika iha mundu selebra vitória Na’in Jesus Kristu nia Moris hias, maibé tristeja falun Kapitál Dili, halo Dili sai kalamidade liu tan, laós de’it tamba Covid-19 ne’ebé hamosu regra oin-oin maibé ho inundasaun ne’ebé akontese halo sidade Dili, hakanek ema wa’in nia fuan.

Kronolojía Simples konabá akontesimentu ne’ebé akontese iha loron Dominggo (04/04), katak iha loron ida antes, udan la para ho intensidade ne’ebé ladun forte,  maibé hahu iha óras 02:00 madrugada, komesa intensidade udan forte liu tan, no iha óras 04:00 madrugada, inundasaun komesa mosu iha fatin-fatin iha Kapitál Dili, hodi hamosu vítima barak.

banner 325x300

Husi rezultadu inundasaun ida ne’e obriga komunidade tenke lakon vida, lakon uma, lakon sasan, no tenke evakua ba fatin refuziadu.

Bainhira G-RTV.com hasoru malu ho vítima sira, vítima ida ho naran Natalino Afonso hanesan estudante finalista UNTL haktuir katak ‘’Bainhira bé komesa sa’e ami halo oinsa salva malu, maibé la konsege salva ami nia dokumentu eskola nian, inklui Diploma Ensinu sekundária no dokumentu importante seluk, hafoin salva malu hotu ami ba toba iha vizinhu nia uma’’. haktuir Natalino.

Estudante Departamentu Administrasaun Públika iha Fakuldade Siénsia Sosiál ne’e ho oin triste afirma liu tan :

‘’ Sasan konabá Eskola ni’an liu-liu monografia ha’u rai iha USB no Laptop maibé la iha ida mak salva’’ .

Fontes ne’e hatutan liu tan katak sira triste ho kondisaun refere :

 Tristeza bo’ot mai ami hotu ho kondisaun ida hanesan ne’e , tamba ami ne’ebé hela iha uma Aluga (Kos) ida ne’e mesak estudante hotu. Ami la salva sasan inklui hahan, salva-an ho de’it ropa iha isin lolon’’ ‘’. Haktenik fonte ne’e.

Akontesimentu ne’e akontese iha Aldeia Efaka, Suku Manleuana, Postu-Administrativu D. Alexo, Munisipiu Dili.

Tuir observasaun husi G-RTV.com iha terrenu nota katak Kos ho kuartu 6 mesak aluga husi estudante sira universitáriu, no sasan eskola no sasab sira seluk la iha ida mak salva,  no iha fatin akontesimentu, moru ne’ebé haleu sira, harahun husi korrente bé ne’ebé bo’ot.

Jornalista : Arménio.

 

‘’ Família Bo’ot Kompanhia GARDAMOR hato’o solidariedade ba Família afetadu ba Inundasaun iha Territóriu Nasionál , liu-liu iha kapitál Dili, ne’ebé akontese iha loron 04/04/2021, Forsa nafatin ho korázem tomak, atu ita hotu bele ultrapassa situasaun difísil ida ne’e’’.

 

 

relavante