banner 728x90

Nicolau Lobato no Xanana Gusmão seidauk iha lalatak foun

banner 120x600

G-NEWS (DILI) – Prezidente Repúblika hasai Xapeo ba líder nasionál sira, hanesan Nicolau Lobato no Xanana Gusmão ne’ebé to’o agora seidauk iha ema ida mak merese sai sira nia substitutu.

Oinsá mak Prezidente Horta hatene vida pessoál no públika Xanana no Nicolau, lé to’o remata, testemuña husi líder 75 Ramos-Horta ne’ebé ko’alia iha ámbitu loron heroi nasionál.

banner 325x300

“Para fó omenajen de’it ba Avo Xavi ba Nicolau Lobato, liu-liu ba Nicolau Lobato, ema ne’e ami koñese malu iha Soibada, mestri Narcísio Nicolau Lobato nia pai ha’u-nia aman sarani krizma, ami tinan lubuk ida iha ne’ebá”

“Uluk kedas ami ki’ik haree Nicolau Lobato sempre admira nia, tanba buat ida ita bolu líder mak ida-ne’e, maioria moris kedas ho kualidade líder, klaru o bele sai Prezidente, o bele sai Primeiru-Ministru o bele sai buat hotu-hotu intelektuál boot, mais o laiha kualidade líder buat magnétiku, buat ne’e hanesan inspira ema, Nicolau Lobato nune’e,”

“Mas buat hotu-hotu rona de’it nia, nia mak halo desizaun, nia halo desizaun ami tuir de’it desde Soibada,”

“Ema ne’ebé moris kedas ho kualidade Xanana nune’e, moris kedas ho kualidade, uluk kedas nune’e tempu Português, depois kualidade lideransa dezenvolve ho estudus no esperiénsia difísil ema ida laiha kualidade o bele estuda makas PHD, doutoramentu, suma cum laude, mas o di’ak de’it par hakerek, ko’alia ho komputadór dalaruma reuniaun ho ema na’in lima, na’in 10 mós o la konsege, tanba o la hatene orienta, lahatene fahe, la hatene mobiliza, inspira, organiza, planeia buat sira-ne’e,”

“Nicolau Lobato ho Maun Xanana sira na’in-rua ne’e difísil desde 1975 to’o agora ha’u seidauk haree líder ruma hanesan sira na’in-rua nia kualidade,”

“Xanana estratega polítiku estrarega militár la’ós operasionál, Falur, Lere, Taur Matan Ruak operasionál, Xanana estratega. Jenerál ne’e tenki ema ne’ebé estratega, jenerál balun operasionál de’it, mais jenerál sira-ne’ebé estuda planu oinsá atu ataka inimigu, bainhira mak ataka kondisoens iha ka la’e, sira-ne’e mak estratega, jenerál sira seluk operasionál,”

“Xanana estratega no estartega polítiku ida la halimar, buat balun nia halo ha’u iha li’ur ha’u rasik lahatene hakfodak ate la konkorda tan, depois afinal haree nia iha razaun, dala hira ona, eipa maun ida-ne’e, nia halo buat ne’e sabraut pah, possa afinal liu tiha,”

“Mais ha’u de’it ezemplu balun hatudu lideransa ké ha’u hatete iha 1999 ha’u mak ka’er karik lideransa nasionál ha’u lahaene sé ha’u halo nune’e ga la’e,”

“Primeiru. Hahú iha janeiru 1999 violénsia aumenta dadauk ona to’o Maiu, tanba sá.? Atu trava akórdu de maiu, ideia diálogu negosiasaun mai husi Ally Alatas sivíl sira la’ós mai husi militár sira, no violénsia ne’e atu provoka ONU provoka Portugal par diálogu ne’e abandona tiha, ita to’o iha Maiu asina akórdu,”

“Akórdu Maiu ne’e hanesan akórdu ida ké laiha liu lójika ruma, o halo akórdu ba realizasaun konsulta popular, normalmente iha Nasoens Unidas la tama iha buat sira-ne’e “em que” kondisoens seguransa laiha, no atu halo iha fulan tolu nia laran, ha’u haree akórdu ne’e ha’u sateadu loos,”

“Xanana halo saida.? Akantonamentu, akantonamentu normal. Primeiru o halo tiha akórdu 5 de Maiu laiha kondisoens ita bele hatete primeira asneiras. Depois segunda asneiras akantonamentu das FALINTIL ha’u hakfodak, akantonamentu saida mak ne’e, Xanana halo buat ne’e sabraut de’it ona mak ne’e,”

“Eipa mais ne’e hatudu nia vizaun nia matenek impressionante tanba akantonamentu iha prosesu hotu-hotu ne’e akórdu multilateral, bilateral, trilateral “de todos as forças em conflito” la’ós ida de’it mak halo akantonamentu, ne’e Xanana nia ideia la’ós ONU, la’ós Portugal la’ós ema seluk,”

“Tanba sa mak akantonamentu ida-ne’e, tanba nia hatene violénsia sei iha no nia lakoi FALINTIL monu iha violénsia, sé FALINTIL monu iha violénsia la tama akantonamentu entaun “Guerra civil” ONU la mai ona, oho ona possibilidade ONU atu mai, ne’e Xanana nia “Brilliance”

“Sé fosse ha’u mak Xanana emves Taur hatete ita ba luta ita ba duni, aranka ba. Sé o la’ós líder ida estratéjiku ho stress 1999 ne’e o bele halo desizaun aat loos. Tantu, Xanana ninia matenek mak ida-ne’e, despartidariza FALINTIL sai husi FRETILIN la’ós nia kontra FRETILIN, par luta ne’e sail uta nasionál hotu-hotu tama, APODETI, UDT, igreja hotu-hotu partisipa,”

“Depois akórdu Maiu akantonamentu nia rejiste buat sira-ne’e hotu,

“Ikus liu rekonsiliasaun, depois de 24 anos luta ódiu kle’an loos, Timoroan ódiu malu, Xanana dala ida tan nia hatudu nia lideransa, ne’e mak líder, depois buat seluk tan 2002 to’o agora, fronteira marítima buat sira-ne’e etc. Ha’u hanoin ne’e la’ós par atu halo fali kampaña ba maun Xanana, buat ne’e istória kona-ba líder rua Nicolau Lobato, iha sekuénsia Xanana “erdeiro” husi Nicolau Lobato,”

Editór Textu: Amito Qonusere Araújo

banner 325x300

relavante