banner 728x90

Nitizen soe piedas ba Xanana tanis iha PN, militante Fretilin apoiu programa Governu

Nitizen soe piedas ba Xanana tanis iha PN, militante Fretilin apoiu programa Governu

banner 120x600

G-NEWS (DILI) – hafoin Parlamentu Nasionál aprova ho unanimidade ba Programa Governu da-sia, ne’ebé aprezenta hosi Primeiru Ministru Kay Rala Xanana Gusmão, hanesan onra boot ida ba Xefe Governu ne’e, tanba foin primeira-vez programa Governu aseita ho maiória.

Hafoin aprova ho unanimidade, Xanana Gusmão hatudu ninia sentiment haksolok, maibé ho tanis.

banner 325x300

Hafoin Deputadu sira hotu iha Parlamentu Nasionál hamrik basa liman, Xanana tun kedan hosi nia fatin tur hodi kaer liman no hakuak malu ho Deputadu sira hosi Bankada Fretilin, no deputadu sira seluk ho mataween.

Liutiha oras ida, utentes sosiál mídia lansa estetmentu oi-oin hasoru Primeiru Ministru Kay Rala Xanana Gusmão tanba de’it ninia tanis. Utilizador sira dehan katak, Primeiru Ministru nia tanis ne’e hanesan drámatizaun. Balun fali dehan, tanis ne’e atu dada deputadu sira nia fuan atu kontinua apoiu ninia programa, no to’o diskusaun Orsamentu Jerál Estadu tinan 2024 nian.

Iha utentes sosiál mídia barak mak apoiu ho orasaun ba Xefe Governu da-sia ne’e, atu kontinua tau matan ba povu nia moris, no implementa programa dezenvolvimentu nasionál tuir komprimisu polítika ne’ebé deklara ona iha kampaña eleitóral tinan 2023 foin lalais ne’e.

“Ami mós sente triste haree Avo tanis iha Parlamentu Nasionál. Nia hadomi duni povu, hakarak povu ne’e moris iha paz no dame nia laran, nia lakohi atu povu ne’e terus bebeik, tanba ne’e mak kuandu nia mai aprezenta programa, deputadu sira aprova no apoiu total, ne’e mak halo nia tanis, ami mós sente tanis”, hateten João Fernandes, ko’alia ho tanis, iha PN Kuarta-Feira (19072023).

Iha fatin seluk, Juventude Suku Comoro Almerindo Gomes mós sente triste ho aktus emosional ne’ebé Primeiru Ministru Xanana Gusmão halo iha Parlamentu Nasionál, hatudu sentiment kontente maibé ho mataween.

            “Ha’u nu’udar militante Fretilin, maibé ha’u haree Avo Nana nia jeitu iha Parlamentu Nasionál orseik ne’e, halo ha’u mós fuan moras, tanba deputaddu opozisaun sira komesa tau interese nasionál”, tenik nia iha ESG 10 de Desembro Comoro, Kinta-Feira (20072023).

Nia hateten tan, maske iha diferénsia polítika entre líder sira, maibé nu’udar sidadaun no militante hosi partidu Fretilin, kontinua apoiu ba programa hosi Governu da-sia, ne’ebé lídera hosi Xanana Gusmão.

  “Ha’u iha konviksaun ida, mandatu hosi Governu ne’e, bele mantein to’o hotu, nune’e avo Nana bele konsenta ba dezenvolvimentu nasionál, no hadia povu nia moris”, Almerindo aumenta tán.

Tuir observasaun G-News, Deputadu sira iha plenária Parlamentar, balun triste no tanis ho aktus emosiaonál ne’ebé Primeiru Ministru Xanana Gusmão presta iha Umu Fukun Parlamentu Nasional, iha kuarta-feira (19072023) orseik. Laos ida ne’e de’it, audiensia no públiku ne’ebé partisipa iha aprezentasaun programan ne’e mós balun tanis, tanba la tahan ho emosaun tristeza ne’ebé Xanana hatudu iha Parlamentu.

Jornalista       : Ekipa G-News

Editós Testu : Amito Qonusere Araújo

relavante