banner 728x90

Ohin, CNRT no PLP Unifika Forsa Hasoru Laloran Polítika

Abertura Husi CNRT // Foto : G-RTV.com
banner 120x600
17 Views

Jornalísta : Arménio //

G-RTV.com (Dili) : Ohin, Partidu Congresso Nacional para a Reconstrução de Timor Leste (CNRT) no Partidu Libertação Poplar (PLP) realiza enkontru alarga no konferénsia nasionál  hodi unifika forsa atu hasoru laloran polítika iha períodu sira tuir mai.

banner 325x300

Parte dadér (10:30 Am, ÓTL), CNRT hala’o uluk abertura iha enkontru alarga ne’ebé hala’o iha salaun João Paulo II, Comoro, hetan partisipasaun husi prezidente CNRT, Kay Rala Xanana Gusmão.

’Ohin ita hamutuk iha ne’e atu halo avaliasaun no konsolidasaun atu hare servisu ba oin, mai hamutuk mós atu hare saida mak di’ák no ida ne’ebé mak falla, atu fó hanoin malu, atu hadia, nune’e ha’u permite atu ita bo’ot sira hato’o krítika, naran katak iha respeitu’’, Dehan, Sekretáriu Jerál CNRT, Francisco Kalbuady Lay, iha serimónia abertura ne’ebé hala’o ohin, Dominggo, 27/03/2022.

Sekrtáriu jerál ne’e mós agradese ba estrutura nasionál to’o baze, organizasaun polítika ne’ebé apoiu vitória seimples iha primeira volta, eleisaun prezidensiál 2022 husi kandidatu CNRT nian, José Ramos-Horta, ne’ebé iha possibilidade sei avansa ba volta da-ruak.

Partisipa iha avaliasaun ne’e, mai husi estrutura nasionál no koordenadór munispál no pstu iha Timor laran tomak.

Entretantu, iha loron ne’ebé hanesan, parte loraik, tuir konvite ne’ebé G-RTV.com assesu katak PLP mós sei hala’o nia konferénsia nasionál ho nia tema jerál ‘’Timor Tenke Ba Oin’’ no sub-tema : Hamutuk Ita reflete passadu, atu afirma ita na konsolidasaun no servisu maka’as ba povu nia moris di’ák.

Konvite PLP

Tuir planu sei partisipa husi prezidente partidu PLP, Taur Matan Ruak, Jenerál reformadu, Lere Anan Timur, Sekretáriu jerál FRETILIN, Marí Alkatiri no konselleiru máximu partidu KHUNTO, José Dos Santos Naimori, inklui estrutura artidu PLP. (REMATA).

 

relavante