banner 728x90

Operasaun Iha Sexta Kalan PNTL Dili Prende Motorizada 30 resin

Membru PNTL Hala’o Passarevista Ba Motorista sira // Foto : Ekipa G-RTV.com
banner 120x600
33 Views

Jornalista : Arménio //

G-RTV.com (DIli) : Iha Sexta-Feira kalan, Polisía Nasionál Timor Leste (PNTL) liu husi komandu Munisípiu Dili hala’o operasaun konjuntu hodi passarevista ba movimentasaun transporte iha sidade Dili.

banner 325x300

Operasaun ne’e, hala’o iha fatin sira ne’ebé konsidera risku ba konflitu hanesan Hudi-Laran, Manleuana, Ai-Mutin, Bebonuk, hahu iha óras tuku 21:00 to’o tuku 23:00 kalan ÓTL.

‘’Ohin hala’o operasaun ba area risku iha Postu Dom Alexo nian, hanesan Kaikoli, Manleuana, Ai-Mutin, Bebonuk, Hudi-Laran ho tarjetu operasaunba sasan kroat, dokumentu transporte, assesóres sira seluk’’. Tenik Komadante Munisípiu Dili, Superintendente Xefe Polísia Henrique Da Costa iha Ai-Mutin (11/02/2022).

Rezultadu husi operasaun ida ne’e, komadante fo sai katak iha motorista barak la kumpri regra inklui jóvem ida ne’ebé lori sasan kroat.

‘’Rezultadu operasaun, ita hetan jóvem ida ne’ebé mak la’o lori sasan kroat no kontinua bá prossesu investigasaun no prende moos motorista barak la iha karta kondusaun, la uja kapasete, no la iha asesóres sira’’. Dehan Komadante ne’e.

Henrique moos fortika, operasaun ne’e sei kontinua rutinamente iha area sira ne’ebé konsidera hanesan fatin risku ba konflitu  nune’e bele garante seguransa iha kapitál Dili.

Fontes ne’e apela moos ba motorista sira bainhira viázem, tenke lori dokumentu kompletu inklui assesóres ba transporte ne’ebé tuir Lei kódiku Estrada difini ona.

Operasaun ne’e, realiza ho sólidu tebes tambá servisu hamutuk entre PNTL Dili ne’ebé inklina seksaun sira no eskuadra Vera-Cruz, inklui moos membru Batallaun Órdem Públiku (BOP) no Unidade Marina-PNTL.

Tuir Observasaun Jornalista G-RTV.com iha terrenu, durante operasaun, PNTL prende motorizada 30 resin ne’ebé maioria la kumpri regra kódiku estrada no nia prossesu diretamente lori kedas mai komandu munisipál atu halo investigasaun klean. (Remata).

 

relavante