banner 728x90

Organizasaun Feto sei haforte feto sobrevivente sira ba atividade Ekonómia

banner 120x600

G-NEWS (Dili) Seremónia enserementu ba projetu reforsa hamutuk ho sobreviventes no vítima sira hosi violensia bazeia ba jéneru servisu hamutuk atu fasilita rekooperasaun no re-integrasaun sosiál no ekonómiku.

Kuarta Feira ne’e (26/10/2022) Organizasaun Feto hanesan Fokupers, Acbit nomós Hivos (husi Jakarta) servisu hamutuk, ensera projetu Reforsa Hamutuk iha Salaun Katedral São José Vila Verde Dili, liuhosi eventu atividade bazar, ne’ebé fó oportunidade ba Feto sobrevivente sira hodi faan sira nia produtu, atu bele haforsa ekonomia.

banner 325x300

Diretora ACBIT  (Asosiasaun Chega ba Ita) Manuela Leon Pereira hateten, projetu reforsa hamutuk ida ne’e hahú husi tinan  2020 parseria ho Fokupers no Hivos husi Jakarta (Indonézia) atu bele haforte no empodera feto sobreviventes sira husi violénsia.

Ami halo programa reforsa hamutuk durasaun tinan rua fulan lima ne’ebé ami halo husi 2020 programa ida ne’e ita halo hamutuk ho emparseria ho fokupers nomós Ivos husi jakarta ne’ebé hetan fundus husi Uniaun Europeia liu-liu oinsá atu  haforte no empodera  feto sobrevivente  sira husi problema violénsia bazeia ba  jéneru inklui mós sobreviventes sira husi konflitu pasadu tanba Atividade ne’e atu empodera feto sira hodi  komprende di’ak liu tan kona-ba oinsa hasa’e rendimentu ba atividade ekonómia no mós apoiu atu oinsá jere sira nia moris rasik” dehan nia

Diretóra Fokupers Maria Fatima Pereira Guterres haforsa liu tan, projetu Reforsa Hamutuk signifika hamutuk ho sobreviventes sira bele hamutuk hodi haforsa malu, atu promove inklusaun sosiál no dezenvolvimentu ekonómiku ba sobreviventes feto no vítima ba violénsia sira.

Projetu Reforsa Hamutuk ne’e realiza apoiu husi Uniaun Europeia ho fundus montante $. 650.000.00 Dolár Amerikanu, ne’ebé sei kontinua nafatin atividade ne’e iha futuru atu haree feto sira nia direitu no hamutuk ho parseria sira.

Jornalista       : Alves Pinto

Editór             : Amito Qonusere Araújo

banner 325x300

relavante