banner 728x250

Otelio Ote eleitu sai Prezidente CI

banner 120x600

G-NEWS (DILI) – Tersa-Feira (07022023), Konselleiru Konseillu Imprensa (CI) na’in-5 hanesan Expedito Dias Ximenes, Francisco Simões Belo, Benevides Barros, Otelio Ote no Amito Qonusere Araújo realiza plenária Ekstra-Ordinária hodi hili Prezidente foun Konsellu Imprensa (CI) nian ho restante mandatu 2021-2025.

Konselleiru na’in-5 ne’e hili Prezidente CI foun liuhosi eleisaun Direta, Sekreta, sufráziu no universal. Rezultadu hosi eleisaun ne’e, Konselleiru Otelio Ote eleitu sai Prezidente.

banner 325x300

Iha konferénsia Imprensa, Diretór Ezekutivu Rigoberto Monteiro esplika, Konseillu Imprensa iha ona Prezidente definitivu durante restante mandate tinan 2021-23.

“ohin prezensa membru na’in-5, sira hili ona Prezidente definitivu ba períodu 2023-2025 hosi restante mandatu ne’ebé maun Virigilio hosik tiha”, hateten Rigoberto.

Prezidente Eleitu Otelio Ote hateten, nia parte presiza apoiu hosi konselleiru no funsionáriu Administrasaun Konsellu Imprensa nian ba ninia servisu sira durante mandatu. Otelio Ote sei kontinua obra sira ne’ebé Virgilio hosik, no sei kontinua deit servisu sira ne’ebé lao hela durante ne’e.

Tuir estatutu Konsellu Imprensa artigu 23 kona-ba Eleisau Prezidente Nian, iha númeru-1 paragráfu klaran esplika, membru na’in-5 Konsellu Imprensa nian sei hala’o sorumutuk ida hodi hili Prezidente ida entre sira, no iha númeru-2 hateten, Konsidera sai Prezidente ida ne’ebé mak hetan númeru votu barak liu, enkuantu númeru 4 dehan tan, Rezultadu eleisaun nian ne’e sei fo hatene ba Parlamentu Nasionál to’o loron lima hafoi liu tiha eleisaun.

Otelio Ote, antigun Jornalista dezde períodu okupasaun Indonézia to’o ohin loron. Otelio Ote mós nu’udar Fundador ba Jornál Díariu Timor Post. Nia hetan nomeasaun ba Konselleiru Konsellu Imprensa hosi na’in ba Mídia nian.

Jornalista             : Barros

Editór Textu         : Amito Qonusere Araújo

banner 325x300

relavante