banner 728x250

Padre JC admira família IKS reza “husu atu moris iha faze kontemplasaun”

banner 120x600

G-NEWS (DILI) –Padre Júlio Crispim husu membru Organizasaun Arte Marsiais IKS PTL Kera Sakti atu hadook án hosi tentasaun no provokasaun ne’ebé afeta ba konflitus, nune’e kontribui ba seguransa ida hakmatek iha sosiedade nia leet.

Padre Júlio Crispim, hato’o lia-hirak ne’e, hafoin sai oradór kona-ba espiritualidade ema no organizasaun nian, ba eventu formasaun nasionál ba membru IKS PTL Kera Sakti, ne’ebé hala’o iha salaun CNE Dili, Sexta-Feira (25082023).

banner 325x300

Amu ne’e esplika, membru Organizasaun IKS PTL Kera Sakti hatudu duni ninia espiritualidade liuhosi orasaun sira iha pesoal ida-idak nia ortóriu sagradu sira, tanba ne’e husu banati tuir nafatin aktus ida ne’e iha públiku nia leet, hodi bele manan grasa.

“Ha’u admira tanba labarik joven sira iha Ha’u nia rezidénsia, mesak ema membru Família boot IKS nian, sira nia kuartu feto la tama, ema la naran tama arbiru, iha ortóriu iha ne’ebá, sira reja liu fali ema seminarista sira, ida ne’e buat di’ak ida. Afinál imi iha fiar ba Maromak, ba natureza, entaun imi tenke hatudu hahalok di’ak mós hanesan ne’e iha sosiedade nia leet. Iha lian Bahasa karik dehan Arte Marsiais Família Boot IKS Kera Sakti ne’e, ema hare’e no dehan Sisi baik dalam penilaian buruk”, Padre Júlio Crispim haktuir.

Liuhosi fiar ne’ebé membru IKS PTL Kera Sakti iha durante ne’e, Padre ne’e husu lideransa ba organizasaun arte marsiais sira atu koordena hamutuk, hodi ko’alia ho Bispu sira, nune’e bele fasilita padre ida atu halo asisténsia spiritual ba organizasaun arte marsiais no arte ritual sira hotu, nune’e bele muda mentalidade membru sira nian hodi kontribui ba páz no estabilidade iha vida família no sosiedade.

“Ha’u hakarak atu dehan katak, membru família boot IKS Kera Sakti atu moris ona iha faze kontemplasaun katak, husik ha’u nia án ne’e mamuk tiha, no husik Maromak mak tama ha’u nia laran, husik Kristu mak tama ha’u nia laran”.

“Di’ak liu problema iha, provokasaun iha, hasees án. Hasees án la’os ita tauk, maibé hasees án atu manan buat hotu-hotu iha ita nia moris, iha aspeitu judisiariu katak, labele hetan sansaun hosi Tribunál. Kuandu ita sala, Tribunál aplika sansaun, ita ba kadeia, ita nia inan-aman, família lakon ita nia prezensa, tanba ne’e alin sira, tenke hanoin didi’ak kona-ba ida ne’e”. Amu ne’e hakotu.

Jornalista        : Ekipa G-News

Editór Testu    : Amito Qonusere Araújo

banner 325x300

relavante