banner 728x90

Parókia Aileu Villa Selebra Loron Padroeiru Ho Desportu, Expozisaun no Noite-Kulturál.

Igreja Parókia Saun Pedru no Saun Paulo Aileu Villa, ne’ebé tuir planu sei harahun no konstrui fali foun iha tinan ida ne’e // Foto: Ekipa G-RTV.com
banner 120x600

G-RTV.Com (Aileu): Selebrasaun Tinan 34 Parókia Aileu Villa, Eis-Seminarista parokiánu organiza atividade Desportu, Expozisaun no Noite-Kulturál hodi festeja loron aniversariu ne’e.

‘’Atividade ne’e ho nia objetivu atu festeja loron padroeiru parókia Aileu Villa ne’ebé sei selebra iha loron 29 fulan ida ne’e, tambá Igreja ne’e, nia mahein mak Saun Pedru no Saun Paulo’’ hateten Tito Mendonça nu’udár koordenadór jerál ba atividade loron padroeiru, iha areadores igreja Aileu Villa, Sexta ne’e.

banner 325x300

Eis-Seminarista ne’e informa liu tan, atividade ne’ebé halo la’ós de’it atu festeja maibé promove moos talentu juventude nian atu bele kontribui ba munisípiu no nasaun.

‘’Atividade ne’e, la’ós de’it atu festeja maibé promove moos talentu jovem no estudante sira  iha Aileu ne’e atu bele kontribui moos bá dezenvolvimentu munisípiu no nasaun’’. Haktuir fontes ne’e.

Tito informa liu tan, atividade desportu, ho modalidade futsal, partisipa husi ekipa 10 ne’ebe hahu antes ona no atividade rua seluk sei hahu iha loron 27 no 28 antes tama ba festa padroeiru.

’Atividade desportu ho modalidade Futsal ami hahu iha dia 20/06, to’o agora besik finaliza, ne’ebé partisipa husi eskola sekundária iha villa Aileu no grupu kategoriál parókia nian total hamutuk ekipa 10, maibé konabá eventu Espozisaun no noite-kulturál sei hahu iha loron 27 to’o 28 fulan ne’e,depende ba sarani sira rezistu’’. Tito Informa.

Atividade ne’e, tuir finalista SENOFA Tinan 2015,  klarifika konabá fundus ne’ebé suporta ba atividade sira, mai husi kontribuisaun eis-seminarista parókia Aileu kuaze ema na’in 30 resin, Administradór Munisípiu, Plan Internasionál, ONG RIA, no hetan autorizasaun husi autoriedade administrasaun munisípiu, seguransa, saúde.

Tuir programa ne’ebé G-RTV.com assesu, loron 28/06, Arche-Bispo Metropolitano Dili, D.Virgílio da Silva do Carmo, SDB, sei hatur fatuk dahuluk tuir kultura Timor ba rekonstrusaun Igreja parókia Aileu-villa no iha loron 29/06, tuku 9 dadér ÓTL, sei iha Missa ba loron padroeira nian.

Jornalista: Arménio.

banner 325x300

relavante