banner 728x90

Parpól no Kandidatu PR Sira Hahu ‘’Nadodon’’ Ba Ramos Horta

banner 120x600
18 Views

Jornalísta : Arménio //

G-RTV.com (Dili) : Movimentu polítika entre kandidatu prezidente repúblika ho votu maioria primeiru no segundu iha eleisaun prezidensiál (ELPREZ) ne’ebé hala’o iha Sábadu foin lalais ne’e, oras ne’e la’o namanas hela oinsa atu hetan konfiansa husi kandidatu no partidu polítiku sira ba ELPREZ ronde da-ruak nian.

banner 325x300

Nune’e, desde horseik to’o ohin, partidu polítiku (PARPOL) no kandidatu eliminadu iha primeira ronde hahu ‘’nadodon’’ hodi hakbesik-án ba kandidatu prezidente (KaPREZ) José Ramos-Horta nu’udár primeiru vensedór maioria simples iha ELPREZ 2022.

Loraik ne’e, partidu polítiku PUDD hakbesik-án hodi hato’o sira nia pozisaun polítika ba KaPREZ José Ramos-Horta.

‘’Desde 2020 atu estabele IX guvernu, ami konsege halo koligasaun ho partidu 6 inklui PUDD ho CNRT, la iha buat ida la falta iha komunikasaun polítika to’o ohin loron, ho nune’e, ohin ami halo reuniaun ho estrutura nasionál, hodi deside mai apoiu José Ramos-Horta iha segundu ronde’’, Afirma Prezidente Partidu Unidade Dezenvolvimentu Demokrátiku (PUDD), Silvetre Sufa, hafoin hato’o nia apoiu ba KaPREZ, Horta iha nia gabinente, Faról (Dili), 23/03/2022.

Silvetre ne’ebé akompaña husi estrutura PUDD nível nasionál esklarese liu tan, PUDD sólidu nafatin, karik iha membru estrutura ne’ebé apoiu kandidatu seluk, ne’e ba ho pessoál, la lori partidu nia naran.

Antes ne’e, Parpol no Kandidatu eleminadu sira ne’ebé mai hasoru ona premiadu nóbel bá Páz mak hanesan Partidu PD, PDRT ho nia kandidatu rasik, KaPREZ Martinho Gusmão, KaPREZ Hermes Barros, no partidu PUDD.

Entretantu, tuir deklarasaun ne’ebé G-RTV.com assesu husi kandidatu vensedór da-ruak iha primeira volta ELPREZ, Francisco Guterres Lú-Olo deklara iha ona kontaktu ho Parpol no KaPREZ balun. (REMATA).

 

 

relavante