banner 728x90

ParPol uza membru OAM ba instrumentu polítiku

banner 120x600

G-NEWS (DILI) – Militante Partidu Polítiku balun hatudu dadauk identidade Organizasaun Arte Marsiais hanesan Persaudaraan Setia Hati Terate (PSHT), IKS PTL Kera Sakti Timor Leste, KORK no Arte Rituais Sete-Sete, bainhira hala’o afiliasaun, ka hetan konsolidasaun hosi partidu hirak ne’ebé sei kompete iha eleisaun parlamentar, iha loron 21 fulan maiu tinan 2023.

Militante partidu boot sira hanesan Fretilin, CNRT, PLP, KHUNTO, Partidu Demokrátiku (PD), Partidu Unidade Dezenvolvimentu Demokrátiku (PUDD) no Partidu ki’ik seluk hanesan OS VERDES, maiória ninia militante sira, mai hosi Organizasaun Arte Marsiais no arte rituais.

banner 325x300

Iha sosiedade nia matan, Partidu KHUNTO identíku ho OAM KORK, Partidu PUDD identíku ho Kera Sakti, no Partidu Os Verdes identíku ho Arte Ritual Sete-Sete, enkuantu partidu sira seluk, depende afiliasaun hosi membru Organizasaun Arte Marsiais no Arte Rituais, maske la reprejenta Organizasaun, maibé sempre hatudu sinál ka jestu organizasaun arte marsiais no rituais ida-idak nian.

Observádor Akadémika UNDIL Hugo Lourenço da Costa, ba G-News, Segunda-Feira (03042023) katak, afiliasaun hosi sidadaun sira hosi partidu ida ba partidu seluk tanbs lakon konfiansa hosi partidu ne’ebé antes nia horik ba.

“Afiliasaun ne’e normal. Tanba sá ema afilia. Ema afilia katak ema la fiar ona, lakon konfiansa katak, partidu ida antes ne’e nia horik ba ne’e labele luta ba ninia aspirasaun tan ne’e mak ema muda”, Hugo esplika.

Tuir Observador Akadémika hosi UNDIL ne’e katak, Partidu sira mak uza atu públika sai nu’udar instrumentu ba kampanha, oinsa par ema bele haree nia afiliasaun ne’e. Mais buat ne’e bele mós nu’udar kampanha ne’ebé mak utiliza liuhosi mídia para atu buka konfiansa.

“Ita nia Governu rasik mós halo sala tiha ona, kuandu Ministériu Justisa simu partidu sira ne’ebé maihosi kór organizasaun Arte Marsiais, agora dadauk iha partidu rua ka tolu mak identíku ho organizasaun tuku malu nian, hanesan Partidu Os Verdes hosi Organizasaun Rituais, Khunto mai hosi KORK, ida ne’e mai hosi inisíu sala tiha ona”, Nia afirma tán. “Altura nia loke ne’e, ita fó fali dalan ba nia bele loke. Ida ne’e mak problema, sala ne’e ukun nain sira mak sala, organizasaun tuku malu sira ne’ebé mak identíku ho partidu polítiku, bele hamosu instabilidade kuandu iha tempu kampanha, sira hasoru malu bele mosu dezentendimentu iha kampu, ida ne’e mak ita nia risku bainhira ita fó dalan ba organizasaun arte marsiais sira sai hanesan problema”.

Líder partidu sira ne’ebé mai hosi kór oi-oin bele sai ezemplu diak ba ema hotu-hotu hodi garante paz no estabilidade. “Ha’u la fiar katak, arte marsiais mak sai autór halo problema iha kampanha eleitóral. Se mak halo problema, partidu sira mak halo problema, laos arte marsiais, tanba bain-bain mosu konfrontus iha esperiensia tina hirak liu ba, ne’e ho militante sira mak halo problema. Ne’ebé ita labele koloka arte marsiais iha tempu kampanha mak halo problema”, Hugo hakotu.

Jornalista      : Ekipa G-News
Editór Testu  : Amito Qonusere Araújo

banner 325x300

relavante