banner 728x90

Partisipa Iha Konferénsia FPCI, Horta Aprezenta Situasaun Atuál Iha Timor No Mundu

Horta Iha konferénsia FPCI // Foto : Ekipa G-RTV.com
banner 120x600

Jornalísta : Arménio //

G-RTV. Com (Dili) : Preimiadu Nóbel Bá Páz, José Ramos-Horta, hala’o konferénsia liu husi Zoom ho institusaun Foreing Policy Community Of Indonesia (FPCI), hodi koalia konabá Timor Leste nia situasaun Iha Timor ho nia tema ‘’ Timor Leste : Hard Lessons From The Past, High Hopes For The Future’’ iha Otél Novu Turízmu (Dili).

banner 325x300

Iha entrevista, líder nasionál ne’e afirma, nia aprezenta situasaun atuál iha Timor Leste liu-liu violasaun konstituisaun no tama ASEAN nian.

‘’Situsaun iha Timor Leste iha violasaun konstituisaun no preokupasaun saida mak sei halo bainhira eleitu liu-liu konabá tama ASEAN nian’’, Afirma José Ramos-Horta hafoin konferénsia Zoom iha sala konferénsia Otél Novu Turízmu (Dili), 17/03/2022.

Konabá problema mundiál entre Ukrania no Russia, eis-prezidente repúblika 2007-2012, konsidera, sei sai sériu no sei hamonu akonomia mundiál liu-liu inpaktu ba valór osan Dollar husi Amérika.

‘’Koalia konabá problema mundiál hanesan Ukaria ho Rúsia, tambá bainhira problema ne’e sai bo’ot ba bebeik, ne’e inpaktu ba mundu, ekonomia mundiál monu, halo Dollar monu iha merkadu mundiál, nune’e prezidente repúblika no primeiru ministru ne’ebé sei mai tenke hatene atu proteje Timor’’, Dehan Horta.

Nia mós esplika liu tan konabá polítika nasionál kombate kiak no problema igualdade jéneru liu-liu fó podér polítika no ekonómiku.

‘’Polítika nasionál konabá luta hasoru kiak, igualidade jéneru, tambá ita la’ós atu  halo deklarasaun de’it maibé tenke fó poder ba feto sira inklui podér ekonómiku’’, esplika Horta.

Koalia konabá Timor Leste atu tama bá ASEAN, iha konferénsia ne’e, Atuál kandidatu Prezidente Repúblika 2022-2027, esklarese, nia rasik antes ne’e, preokupa no ansi atu tama, maibé hafoin hare prossesu iha tinan hirak ikus ne’e, menus, tambá problema ho Covid-19, inklui seriedade husi parte guvernu atuál ne’ebé ladun iha preokupasaun, nune’e líder nasionál ne’e, fiar iha guvernu foun ida mai atu halo prossesu ne’e ba oin, tambá hela de’it mak problema ekonomia.

Entretantu, iha konferénsia Zoom ne’e, partisipa husi diplomata (Embaixadadór) husi nasaun balun iha Jakarta (Indonézia), no iha Timor Leste partisipa mós husi eis-membru guvernu, reprezentante korpu diplomata no akademista sira ho durasaun oras 1. (REMATA).

banner 325x300

relavante