banner 728x90

PD Deside Assanami Kompete Iha Eleisaun Prezendênsial 2022, CNRT Deside Aban

Atuál Prezidente Partidu Demokrátiku, Eng. Mariano Assanami Sabino / Foto: Esploridu
banner 120x600
1 Views

G-RTV.com (DILI) : Partidu Demokrátiku (PD) deside liu husi konvensaun Nasionál hodi lori kandidatu Uníku  atu kompete iha Eleisaun Prezidênsial (ELPR) 2022.

Iha konvensaun  ne’ebé realiza ohin (22/01/2022) iha Otél LEOKASSE (Dili), PD deside atu Mariano Assanami Sabino  avansa ba kompete ELPR 2022.

banner 325x300

Konvensaun Nasionál ne’e, partisipa husi kuadru nasionál no estrutura munisipal, hala’o votasaun ba kandidatu interna partidu entre Prezidente Partidu PD, Mariano Assanami Sabino no Prezidente Konsellu Polítika Nasionál PD, Adriano Nascimento ‘’Loro Mau’.

Maibe iha minutu ikus molok atu ba votasaun, Adriano Nascimento ”Loro Mau” deside hodi retira nia kandidatura iha partidu laran, atu fo vitoria ba Assanami iha konvensaun ne’e hodi  reprezenta partidu iha ELPR 2022.

Adriano nia desizaun ne’e foti, bainhira rona hanoin sira husi koordenador munispiu sira, no nia hateten ”Molok deside atu kandidatu ida reprezenta PD ba ELPR tenke liu husi konvensaun nasional no hau foti desijun ne’e atu fo dignifika integridade prezidente partidu”. tenik nia.

Ho nune’e, meza konfirma ba estrutura nasional no munipal, kuaze hotu-hotu apoiu, maibe munisipiu Likisa no Suai hili dalan nonok iha prossesu aseitasaun ne’e.

Rezultadu konfirmasaun aseitasaun ne’e, meza ne’ebe lidera husi sekretariu jeral PD, Antonio Conceicao fo sai katak kandidatu uniku mak atual Prezidente Partidu, Mariano Assanami Sabino.

Antes ne’e, notísia ne’ebé G-RTV.com publika ona iha loron 13 fulan Jullu tinan 2021, katak kandidatu ne’ebé  sei avansa bá konvensaun nasionál internal partidu PD nian mak ‘’Prezidente PD,Mariano Assanami Sabino, Sekretáriu Jerál PD, António da Concecão ‘’KALOHAN’’, Prezidente CPN-PD,  Adriano do Nascimento ‘’LORO MAU,  Fundadór PD,Costâncio Pinto ‘’TERUS’’ no Martinho Gusmão,’’.

Entretantu, tuir informasaun ne’ebé G-RTV.com assesu, Partido Congresso Naçional Reconstução Timorense (CNRT) nu’udár partidu ne’ebé públiku hein nia kandidatura, iha loron aban (23/01/2022), sei deside liu husi kongressu hodi hili nia kandidatura atu kompete iha ELPR 2022.

 

Jornalista : Arménio.

Editór : Ekipa G-RTV.com.

relavante