banner 728x90

PM Taur: La Iha Ema Ida Mak Hetan Vantázem Polítika Husi Dezastre Naturáis.

Primeiru Ministru Taur Matan Ruak // Foto : Armenio.
banner 120x600
26 Views

 G-RTV News (07/04/2021) : Trajédia bo’ot liu iha inísiu Tinan 2021 ne’ebé akontese la’ós de’it tamba Covid-19 maibé tamba Inundasaun ne’ebé mosu iha loron 04 Fulan ida ne’e, ne’ebé hamate Timor-Oan liu ema na’in 20, no sobu infrastutura fízika liu-liu obriga komunidade tenke refuzia tamba risku no balun tenke lakon Uma, lakon sasan uma-laran nian.

Ho situasaun ne’e,  Primeiru Ministru Taur Matan Ruak iha nia Intervensaun hateten katak :

banner 325x300

‘’ Timor leste la infrenta de’it Covid-19 maibé infrenta mós dezastre naturais,  iha momentu ida ne’e, ha’u hakarak apela ba Parseiru Internasionál sira iha Timor, no ba komunidade sira hotu, atu hamutuk, haketak ita nia diferensa sira hotu, tau matan ba ita nia sidadaun sira’’ haktuir PM nia diskursu ba lansamentu Vasina iha Sentru Saúde Formoza, Dili(07/04).

Taur Matan Ruak hato’o mós nia apelu ba sidadaun sira katak la iha ema ida mak hetan vantázem husi situasaun atuál ida ne’e :

‘’ La iha polítiku ida iha Timor, atu hetan vantájem ba dezastre naturaís ne’ebé afeta Timor Leste, tamba ne’e laós tempu atu ita halo kompetisaun, tempu atu ita ho umildade, fo respeitu ba ita nia mate sira no sofrimentu povu ni’an, ho kbi’it tomak servisu ba sira, ha’u nia vida tomak fo ba povu ida ne’e’’.

Atuál ema númeru dahuluk iha Guvernu da-VIII, husu mós ba ema hotu atu banati tuir istória Timor ni’an, fo-án atu salva guarda Vida sidadaun sira ni’an, em vez de ita aproveita situasaun sira ne’e atu hetan vantázem polítika.

Jornalista : Arménio.

 

relavante