banner 728x90

PM nomeia Agio Pereira hanesan interlokutór iha diskusaun GS

banner 120x600
2 Views

G-NEWS (DILI) – Primeiru-Ministru Kay Rala Xanana Gusmão nomeia tiha ona Agio Pereira, Ministru Prezidénsia Konsellu Ministrus, hanesan interlokutór iha diskusoens ho Steve Bracks AC nu’udar Reprezentante Espesiál Austrália nian kona-ba dezenvolvimentu Greater Sunrise.

Tuir nota komunikadu ne’ebé G-News asesu, kinta-feira (16052024) katak, Dezenvolvimentu Greater Sunrise hanesan prioridade estratéjika ida ba Timor-Leste atubele harii bazes ne’ebé metin ba ekonomia ida ne’ebé sustentável no fó benefísius ho oportunidades sosiais ba povu Timor tomak.

banner 325x300

Iha nota komunikadu ne’e mós mensiona katak, Francisco da Costa Monteiro, Ministru Petróleo no Rekursus Minerais, mak lidera hela traballu ne’e liuhosi kooperasaun ho ninia omóloga Australiana, Madeleine King, Ministra Rekursus, tuir kuadru regulamentár ne’ebé estabelese iha Tratadu kona-ba Fronteira Marítima entre Timor-Leste ho Austrália.

Ministru Pereira sei hala’o kna’ar hanesan interlokutór hodi halo diskusoens regulares ho Steve Bracks no sai hanesan kanál (ka mata-dalan) ba lideransa Timor nian iha Greater Sunrise.

Hili duni Ministru Pereira atu hala’o kna’ar ne’e tanba nia papél hanesan Ajente Timor-Leste nian iha prosesu Konsiliasaun Obrigatória husi Nasoens Unidas ne’ebé hamosu Tratadu Fronteira Marítima, no mós nia kompreensaun ne’ebé kle’an tebes kona-ba Sistema polítiku Austrália nian.

Nu’udar interlokutór, Ministru Pereira sei tulun fasilita komunikasaun, hato’o informasoens no hari’i entendimentu ne’ebé di’ak entre governu rua.

Governu Timor-Leste sente laran haksolok ho progresu hirak-ne’ebé halo daudaun ona iha dezenvolvimentu Greater Sunrise no ho nomeasaun interlokutór ida ne’ebé sei dezempeña papél di’ak iha fasilitasaun projetu kritíku ne’e.

Editór Testu : Amito Qonusere Araújo

relavante