banner 728x90

PM Xanana: la iha governu inkluzaun

banner 120x600
42 Views

 G-NEWS (DILI) – Governu da-sia, ne’ebé lídera hosi Primeiru-Ministru Kay Rala Xanana Gusmão, sei fó sai rezultadu servisu dezempeñu ba membru governu da-sia nian, iha tinan 2025, tanba agora dadauk sei halo hela auditória.

Iha Palásiu Prezidénsial, Xefe Governu hato’o lia-hirak ne’e ba Jornalista sira, kaurta-feira (04042024).

banner 325x300

“Governu ida ne’e atu servisu loloos só iha tinan 2025, tanba buat sira ne’ebé agora, ami hanoin ona katak, fó hanoin oituan, mas hanoin barak liu fali lixu agora iha Dili ne’e, hamoos.hamoos, sei halo auditoria, agora, ami sei halo kotasaun hadia hela, ami estuda hela, oinsa atu fahe kazu sira ba auditoria ne’e fahe ba rua. Lae tinan ba tinan, tanba buat barak”, PM Xanana ko’alia ba Jornalista sira.

Bainhira Jornalista sira husu kona-ba issu remodelasaun, no governu Inkluzaun iha governasaun Xanana nian, Xefe Governu ne’e promete katak, governu da-sia ne’ebé nia lídera, sei mantein nafatin to’o mandatu remata iha tinan 2028, no la iha “Governu Inkluzaun”.

“Ami laos ai-tonka, tanba ai-tonka ne’e mak agora hetan……dolar hosi ne’e, dolar hosi ne’ebá, falta, falta sira ne’e hotu, ne’ebé grande inkluzaun kuandu 2028, governu ne’e monu, povu hili fali sira, mak sira halo grande inkluzaun ba”.

Governu kontinua halo auditoria tanba iha problema barak ne’ebé presiza atu hadia. Xefe Governu mós informa ba Prezidente Repúblika kona-ba problema Programa Merenda Eskolar, tanba iha indikasaun katak, oknum balun uza osan konta bankaria, ba subsidiu merenda eskolar, hodi sosa kareta.

“Ha’u fó ezemplu ida de’it kona-ba problema sira ne’e. Prezidente ko’alia merenda eskolar, sim, ami agora.ohin ida, mas ami simu ne’e problema barak ne’e, ami tenke rezolve, ne’e mak ha’u tenke esplika ba Prezidente, tanba merenda escolar, governu anterior dehan katak, eskola tenke iha konta bankaria, suku mós tenke iha konta bankaria”, PM Xanana lamenta kona-ba ne’e.

“Ne’ebé iha fatin balun, labarik sira la simu merenda escolar tanba osan..ema balun sosa kareta ho osan konta bankaria”, Xefe Governu ne’e kontinua tán.

Ho problema barak ne’ebé governu identifika, liu-liu programa merenda eskolar, mak Xefe Governu husu ona ba Ministra Edukasaun kona-ba programa merenda eskolar, maibé programa ne’e iha fali Ministériu Estatal. Ho mudansa ne’e mak governu halo hela estudu di’ak ida hodi bele haree kestaun hirak ne’e hotu.

Tanba ida ne’e, governu hakarak atu hatudu ba povu katak, osan povu nian, gasta ho di’ak, maibé gasta la ho di’ak, arbiru de’it, ezemplu hanesan osan ba merenda eskolar sosa kareta. Nune’e Xanana konsidera, ne’e signifika tenke poupa osan no jere ho di’ak.

Editór Testu : Amito Qonusere Araújo

relavante