banner 728x90

PNTL apoiu Governu reativa jogu BG

banner 120x600
38 Views

G-NEWS (DILI) – Komandante Jerál PNTL Komisáriu Faustino da Costa hateten, Governu iha intensaun diak hodi reativa hikas jogu Bola Gulin (BG), tanba atu evita aktividades ilegal.

Durante ne’e nia mós akompanha iha mídia kona-ba preokupasaun ne’e, maibé ho intensaun Governu reativa nune’e evita aktividades ilegal. Tuir Komisáriu ne’e katak, hirak ne’e depende ema sira ne’ebé aproveita iha ne’ebalá, ba vizita ka utilizador sira maka aproveita hodi hamosu konflitus.

banner 325x300

“Ida ne’e maka dalaruma sai situasaun ida, agora iha parte ida, ita atu koalia, por-ezemplu iha ne’ebá dehan katak, duke aktividades joga bola gulin illegal, ida-idak loke tuir nia hakarak, entaun Governu autoriza para legaliza tiha. Agora ema ida-idak ba bebeik envolve iha ne’ebá, maka sai situasaun ida, maibé ida ne’e laos responsabilidade parte ida nian mesak deit, parte hotu nia responsabilidade”, dehan Komisáriu Faustino.

Iha parte ketak, Diretór Ezekutivu Fundasaun Mahein (FM), Abel Amaral hateten, jogu ilísitus hirak ne’e, iha mós nia regras ne’ebé maka Governu bandu tiha ona, maibé Fundasaun Mahein rasik lakohi atu interven ba jogu ilisitus sira.

“Maibé importante maka governu atu bele kontrolu mos kona-ba jogu sira nee, tanba dalaruma, jogu sira ne’e mós bele hamosu konflitu, ne’ebé ita la kondena ba ema ne’ebé maka loke jogu, tanba sira mos iha direitu buka moris”, Nia hakotu.

Jornalista     : Ekipa G-News
Editór Testu : Amito Qonusere Araújo

relavante