banner 728x90

PNTL Prodúz Tan Membru Offisiáis Inspetór, Maioria Mai Husi Idade Reformadu

Vise-MI, António Armindo Tula Hela Diviza Ba Assistente Offisiais Inspetór Foun ne’ebé tama ona idade reformadu // Foto : Ekipa G-RTV.com
banner 120x600

G-RTV.com (Dili) : Polísia Nasionál Timor Leste (PNTL) liu husi Sentru Formasaun Polísia (CFP-Singla Português), hala’o serimónia graduasaun ba membru PNTL na’in 34 ne’ebé finaliza ona  formasaun konabá kursu promossaun offisiál Inspetór.

‘’Promasaun ida ne’e, hodi hare ba futuru kontinuasaun ba forsa seguransa ida ne’ebé moderna, nu’udár passu ida hodi hakat ba modernizasaun estrutura komandu PNTL’’. Haktuir Komadante Jerál PNTL, Komissáriu Faustino Da Costa, iha serimónia graduasaun ne’ebé hala’o iha loron 28/01/2022, komandu CFP, Comoro.

banner 325x300

Iha nia diskursu, Komissáriu ne’e relata, graduadu sira maioria mai husi eis-dirijente ne’ebé hahu kedas iha tempu tranzisaun (2000-2003)  komanda ona Munisípiu, Unidade no departamentu ne’ebé ezisté iha instutuisaun PNTL, ho esperénsia no promossaun ne’e, bele ajuda konkretija mehi PNTL.

‘’Graduadu sira mai maioria mai husi eis-dirijente komandu munisipál, unidade no departamentu sira ho tempu naruk iha tinan balun liu bá, nune’e bele ajuda konkretija mehi PNTL iha futuru ‘’. Relata Komadante Jerál ne’e.

Formatura Graduadu

Iha Fatin hanesan, Vise-Ministru Interior ne’ebé reprezenta Primeiru Ministru Taur Matan Ruak, enkoraja graduadu sira atu hatudu nafatin nia professionalizmu iha servisu.

‘’Fila-fali ba, lori esperénsia sira ne’e ba iha terrenu, nu’udár modelu inspiradór, atu hatudu ba membru sira hodi iha disiplina iha servisu, professional, iha étika servisu, respeita bá direitu umanu’’ . espressaun korázem husi Vise-Ministru Interior, António Armindo.

Entretantu, formasaun ba kursu promossaun refere partisipa husi membru na’in 35, feto 6, mane 28, ida mak rezignadu, sira hala’o durante semana 10 iha CFP hodi hasai diviza husi ajente Xefe ba Assistente Inspetór, no tuir observasaun direta iha terrenu, graduadu sira maioria mai husi membru polísia ne’ebé tama ona idade reformadu.

Jornalista : Arménio.                                                                     

Ekipa : G-RTV.com.

relavante