banner 728x90

PNTL relata nia membru ne’ebé komete irregularidade iha tinan 2021, Membru Komandu Jerál domina

Xefe Departamentu Justisa PNTL, Super. Xefe Polísia Agustinho Gomes iha apelu formatura dadér Komandu Jerál PNTL // Foto : Média PNTL
banner 120x600

G-RTV.com (Dili) : Polísia Nasionál Timor Leste (PNTL) liu husi departamentu justisa relata konabá kazu irregularidade disiplinar ne’ebé komete husi membru sira durante tinan 2021.

Iha relatóriu ne’ebé fo sai husi xefe departamentu justisa PNTL, deteta membru hamutuk na’in 186 mak komete irregularidade disiplinar.

banner 325x300

‘’ Ho autorizasaun komandu Jerál PNTL iha tinan 2021, publika katak prossesu kazu infrassaun disiplina ho total 186 kazu ne’ebé komete husi membru PNTL’’. haktuir Superintendente Xefe Polísia Agustinho Gomes, iha konferénsia imprensa ne’ebé halao iha komandu jerál, loron ikus tinan 2021 nian.

‘’Entre kazu hirak ne’e, konsege finaliza kazu 115 no hirak ne’ebé sei kontinua halo prossesa  iha kazu 71, inklui kazu 10 ne’ebé pendente hela iha Tribunál tambá iha indísius krime’’. Haktuir Xefe departamentu ne’e.

Nia reforsa tan, kazu pena disiplinar repressaun hamutuk 47 no kazu suspensaun inklui demissaun 1.

‘’Arquivamentu la ho pena disiplina iha kazu 36, no aplika pena disiplina repressaun deskrita iha kazu 47, aplika pena disiplina multa loron 10-30 iha kazu 17, aplika pena disiplina suspensaun loron 31-90 iha kazu 11, aplika pena disiplina suspensaun 91-121 iha kazu 2, aplika pena disiplina demissaun iha kazu 1 la inklui kazu tolu ne’ebé konsellu superior PNTL deside tambá kazu 2019 nian’’. Reforsa Eis-Komadante Unidade UPF ne’e.

Iha relatóriu ne’e, aktu irreguladidade indisiplinar ne’ebé membru PNTL komete, domina husi :

  1. Komandu Jerál.
  2. Komandu Munisípiu Dili.
  3. Unidade Espesiál PNTL (UEP).
  4. Unidade Polísia Marítima (UPM)
  5. Komandu Munisípiu Baukau.

Entretantu, liu husi porta-vóz PNTL, Superintendente Xefe Polísia Arnaldo de Jesus  Almeida D.C. Araujo ne’ebé akompaña komunikadu ne’e, fo sai moos katak kazu insidente durante períodu 2021, hamutuk kazu 1316 (Janeiru-Novembru) no membru PNTL ne’ebé lakon  vida iha na’in 34.

 

Jornalista : Arménio.

Editór : Ekipa G-RTV.

 

KOMPAÑIA GARDAMOR UNIP. LDA HATO’O KSOLOK NATÁL 2021 BÁ ITA HOTU NO HAMUTUK ITA SIMU TINAN FOUN 2022 HO DOMIN NO PÁZ.

 

banner 325x300

relavante